ຍິງຄົນທີ່ຖືກກ່າວເຖິງນັ້ນແມ່ນໃຜ, CEO ຄົນນັ້ນແມ່ນໃຜ? ມີຄວາມກ່ຽວຂ້ອງ ກັບ ຄະດີຜິດກົດໝາຍແທ້ ຫລື ບໍ່?
ກະແສທີ່ຮ້ອນແຮງໃນໂລກອອນລາຍ ປັດຈຸບັນແມ່ນກໍລະນີ ໃນວັນທີ 23 ພະຈິກ 2022 ທີ່ຜ່ານມາເຈົ້າໜ້າທີ່ ຝັ່ງປະເທດໄທ ຈັບກຸມສິ່ງທີ່ຜິດກົດໝາຍ ເປັນຢາເສບຕິດ ປະເພດຢາບ້າ 4 ລ້ານເມັດ, ຢາໄອສ໌ 10 ກິໂລ ແລະ ຢາອີ 5 ພັນເມັດ ທີ່ຊຸກເຊື່ອງໃນລົດບັນທຸກນໍ້າມັນເຊື້ອໄຟ, ຜູ້ຖືກຈັບສາລະພາບຕໍ່ເຈົ້າໜ້າທີ່ວ່າ “ໄດ້ຮັບເງິນຈ້າງ 5 ໝື່ນບາດ ຈາກຍິງສາວຄົນໜຶ່ງຢູ່ລາວ ທີ່ຮູ້ຈັກກັນ”
ພາຍຫລັງຂ່າວດັ່ງກ່າວຖືກເຜີຍແຜ່ ເຮັດໃຫ້ຊາວເນັດທັງຫລາຍຊີ້ເປົ້າໄປຫາ CEO ແບຣນສິນຄ້າແບຣນໜຶ່ງວ່າມີຄວາມກ່ຽວຂ້ອງກັບກະຄີດັ່ງກ່າວນີ້ບໍ່ ພ້ອມທັງວິພາວິຈານໄປຕ່າງໆນານາ ແຕ່….ຄຳຄິດເຫັນເຫລົ່ານັ້ນ ບໍ່ມີໃຜສາມາດຢືນຢັນໄດ້ວ່າ CEO ບຸກຄົນດັ່ງກ່າວນັ້ນແມ່ນໃຜ ແລະ ມີການກ່ຽວຂ້ອງກັບຄະດີນີ້ ຄືແນວໃດ? ເຊິ່ງທັງໝົດນັ້ນເປັນພຽງຄຳສາລະພາບ ຈາກຜູ້ກະທຳຜິດ ທີ່ກ່າວເຖິງຍິງສາວຄົນໜຶ່ງ ແຕ່ສະເທືອນທັງປະເທດ.
ແນວໃດກໍດີ ພວກເຮົາລໍຖ້າຕິດຕາມນຳກັນຕໍ່ໄປວ່າ ເລື່ອງນີ້ຈະມີຄວາມຄືບໜ້າຄືແນວໃດ ແລະ ຈະຈົບລົງແບບໃດ ? (ຄ່ອຍເປັນຄ່ອຍໄປຢ່າຟ້າວຕັດສິນ)
ຖ້າຫາກວ່າ ມີຂໍ້ມູນເພີ່ມຕື່ມ ທາງທີມຂ່າວໜັງສືພິມ ລາວພັດທະນາ ຈະນຳມາອັບເດດໃຫ້ທ່ານໄດ້ຮັບຊາບຕື່ມ
