ແຂວງຊຽງຂວາງ ຄອງເຈົ້າຫລຽນຄຳ ກິລາລອຍນໍ້າ ໃນມະຫະກຳກິລາແຫ່ງຊາດ ຄັ້ງທີ 11

ກິລາລອຍນໍ້າໃນມະຫາກຳກິລາແຫ່ງຊາດຄັ້ງທີ 11 ເປັນກິລາທຳອິດທີ່ສຳເລັດການແຂ່ງຂັນກ່ອນກິລາປະ ເພດອື່ນໆ ໂດຍໃຊ້ເວລາແຂ່ງຂັນ 4 ວັນຄື ວັນທີ 19-22 ພະຈິກນີ້ທີ່ສະລອຍນໍ້າແຫ່ງຊາດເຂດສະໜາມກິລາແຫ່ງຊາດ ຫລັກ 16 ນະຄອນຫລວງວຽງຈັນ ໂດຍມີ 5 ພາກສ່ວນເຂົ້າຮ່ວມຄື ນະຄອນຫລວງວຽງຈັນ, ແຂວງຊຽງຂວາງ, ຫລວງພະບາງ, ສະຫວັນນະເຂດ ແລະ ຈຳປາສັກ ແລະ ມີນັກກິລາເຂົ້າຮ່ວມ 37 ຄົນ ໃນນີ້ຍິງ 12 ຄົນ, ຊາຍ 25 ຄົນ, ຊີງ 27 ຫລຽນຄຳ, ປະເພດດ່ຽວ 26 ລາຍການ ແລະ ປະ
ເພດທີມ 1 ລາຍການ ໂດຍນັກກິລາທີມຊາດ ສາມາດລົງແຂ່ງຂັນປະເພດດ່ຽວໄດ້ 3 ລາຍການ ແລະ ທີມ 1 ລາຍການ.

ຜ່ານການແຂ່ງຂັນແຂວງຊຽງຂວາງ ເປັນເຈົ້າຄອງຫລຽນຄຳໂດຍໄດ້ 8 ຫລຽນຄຳ, 1 ຫລຽນເງິນ ແລະ 6 ຫລຽນທອງ ລວມ 15 ຫລຽນ, ທີ 2 ແຂວງຈຳປາສັກ ໄດ້ 6 ຫລຽນຄຳ, 8 ຫລຽນເງິນ, 8 ຫລຽນທອງ, ທີ 3 ແຂວງສະຫວັນນະເຂດ ໄດ້ 5 ຫລຽນຄຳ, 7 ຫລຽນເງິນ, 4 ຫລຽນທອງ, ທີ 4 ນະຄອນ ຫລວງວຽງຈັນ ໄດ້ 4 ຫລຽນຄຳ, 8 ຫລຽນເງິນ, 6 ຫລຽນທອງ ແລະ ທີ 5 ແຂວງຫລວງພະບາງ ໄດ້ 4 ຫລຽນຄຳ, 3 ຫລຽນເງິນ ແລະ 3 ຫລຽນທອງ.

ສ່ວນຫລຽນລາງວັນກິລາລອຍນໍ້າ ຈະມອບ ຢູ່ແຂວງຊຽງຂວາງ.