ກາຕ້າ ເປີດເຜີຍຍອດຜູ້ຊົມບານໂລກ 2022 ເກີນຄວາມບັນຈຸສະໜາມທຸກເກມ
ກາຕ້າ ເປີດເຜີຍຍອດເຂົ້າຊົມການແຂ່ງຂັນບານໂລກ 2022 ໃນສະໜາມທັງ 4 ເກມທີ່ຜ່ານມາຜົນປາກົດວ່າ ມີແຟນບານເຂົ້າຊົມເກີນ ຄວາມບັນຈຸສະໜາມທຸກນັດ.
ສຳລັບການແຂ່ງຂັນບານໂລກ 2022 ຜ່ານໄປແລ້ວ 4 ເກມໃນຮອບແບ່ງກຸ່ມ ຂອງກຸ່ມ A ແລະ B ແຕ່ກໍເກີດຄຳຖາມເລື່ອງຍອດຜູ້ຊົມໃນສະໜາມ ຫລັງຈາການຖ່າຍທອດສົດນັ້ນກໍເຫັນວ່າມີຕັ່ງຫວ່າງຢູ່ໃນທຸກເກມການແຂ່ງຂັນ.
ຈົນຫລ້າສຸດ ກາຕ້າ ເຈົ້າພາບໄດ້ອອກມາເປີດເຜີຍຍອດຜູ້ຊົມໃນສະໜາມຂອງທຸກເກມທີ່ຜ່ານມາ ປາກົດວ່າ ມີຍອດຜູ້ເຂົ້າຊົມເກີນຄວາມບັນຈຸທຸກນັດ ເລີ່ມຈາກນັດທຳອິດ ທີ່ກາຕ້າ ເສຍໃຫ້ ເອກວາດໍ 0-2 ມີຍອດຜູ້ຊົມ 67,000 ຄົນ, ເຊເນກັລ ເສຍໃຫ້ ເນເທີແລນ 0-2 ມີຍອດຜູ້ຊົມ 41,721 ຄົນຈາກຄວາມ ຈຸສະໜາມ 40,000 ຄົນ ແລະ ສະຫະລັດ ອາເມລິກາ ສະເຫມີ ເວລ 1-1 ມີຍອດຊົມ 43,418 ຄົນ ຈາກຄວາມບັນຈຸ 40,000 ຄົນ.
ແນວໃດກໍຕາມ ກາຕ້າ ລວມເຖິງສະຫະພັນບານເຕະນາໆ ( FIFA) ພວມກວດສອບເລື່ອງຍອດຜູ້ຊົມໃນສະໜາມອີກຄັ້ງ ຫລັງຈາກພາບບ່ອນນັ່ງໃນ ສະໜາມດັ່ງກ່າວ.
