ຂ່າວດ່ວນ ! ປະກາດຈັບຕົວທ້າວ ພອນວິໄລ ເມກສຸລິນ, ອາຍຸ 40 ປີ ທຳຮ້າຍຮ່າງກຍຜູ້ອື່ນຈົນເຖິງແກ່ຊີວິດ
ວັນທີ 17 ພະຈິກ 2022 ຜ່ານມານີ້ ຫົວໜ້າອົງການໄອຍະການປະຊາຊົນ ເຂດ IV ນະຄອນຫຼວງວຽງຈັນ ໄດ້ຄົ້ນຄວ້າບົດລາຍງານຄະດີ ແລະ ເອກະສານຕ່າງໆ ທີ່ມີຢູ່ໃນສໍານວນຄະດີ ຢ່າງລະອຽດ ຖີ່ຖ້ວນແລ້ວເຫັນວ່າ ມີເງື່ອນໄຂພຽງພໍອອກຄໍາສັ່ງຈັບຕົວ ທ້າວ ພອນວິໄລ ເມກສຸລິນ, ອາຍຸ 40 ປີ, ເຊື້ອຊາດ ແລະ ສັນຊາດ ລາວ, ອາຊີບ ກໍາມະກອນ, ຫນ່ວຍ 13, ຢູ່ບ້ານທາດຫຼວງເໜືອ, ເມືອງໄຊເສດຖາ, ນະຄອນຫຼວງວຽງຈັນ.
– ຖືກຫາວ່າ: ການທໍາຮ້າຍຮ່າງກາຍ ຕາມປະມວນກົດຫມາຍອາຍາ ມາດຕາ 194.
ດັ່ງນັ້ນ, ຫົວຫນ້າອົງການໄອຍະການປະຊາຊົນ ເຂດ IV ນະຄອນຫຼວງວຽງຈັນ ຈຶ່ງອອກຄໍາສັ່ງຈັບຕົວ ທ້າວ ພອນວິໄລ ເມກສຸລິນ ໃຫ້ເຈົ້າໜ້າທີ່ ປກສ ເມືອງ ໄຊເສດຖາ ຈັບຕົວຜູ້ກ່ຽວມາດໍາເນີນຄະດີ ຕາມກົດຫມາຍ.
ພາຍຫຼັງຈັບຕົວທ້າວ ພອນວິໄລ ເມກສຸລິນ ແລ້ວ ໃຫ້ເຈົ້າໜ້າທີ່ປະຕິບັດຕາມກົດໝາຍວ່າດ້ວຍການດໍາເນີ ຄະດີອາຍາ ສະບັບປັບປຸງປີ 2017 ມາດຕາ 139 ຢ່າງເຂັ້ມງວດ.
ຄໍາສັ່ງສະບັບນີ້ມີຜົນສັກສິດນັບແຕ່ວັນທີລົງລາຍເຊັນເປັນຕົ້ນໄປ.
