ການໂພສຂາຍສິນຄ້າຕ້ອງຫ້າມ ຫລື ສິ່ງທີ່ເປັນອັນຕະລາຍຕໍ່ຊີວິດ ຍັງປາກົດເຫັນຫລາຍໃນສື່ອອນລາຍ

ປັດຈຸບັນຢູ່ໃນຍຸກເຕັກໃນໂລຊີທັນສະໄໝ ຫລື ຍຸກ 4.0 ກໍຄືຍຸກສັງຄົມອອນລາຍ ເຊິ່ງມັນມີບົດບາດສໍາຄັນໃນຊີວິດປະຈໍາວັນຂອງພວກເຮົາ ໂດຍໄດ້ກາຍເປັນຊ່ອງທາງການທໍາມາຄ້າຂາຍ ແລະ ສ້າງຄວາມສະດວກສະບາຍໃນການເລືອກຊື້ສິນຄ້າທຸກປະເພດ, ຊື້ກໍງ່າຍ ແລະ ບໍລິການກໍເຖິງສະຖານທີ່, ແຖມສິນຄ້າບາງປະເພດລາຄາຖືກກວ່າທ້ອງຕະຫລາດອີກ ຈຶ່ງສ້າງຄວາມນິຍົມຊົມຊອບໃຫ້ລູກຄ້າທັງຫລາຍໄດ້ສັ່ງສິນຄ້າຈາກຮ້ານຄ້າອອນລາຍນັບມື້ຫລາຍຂຶ້ນ.

ແນວໃດກໍດີ ຍັງເຫັນດ້ານລົບຂອງມັນຍ້ອນຄວາມບໍ່ປອດໃສ ແລະ ບໍ່ປອດໄພຂອງຜູ້ເຮັດທຸລະກິດດ້ານນີ້ ໂດຍສະເພາະການໂພສຂາຍສິນຄ້າຕ້ອງຫ້າມທີ່ສົ່ງຜົນກະທົບຕໍ່ຊີວິດຂອງຜູ້ບໍລິໂພກ ເຊິ່ງປາກົດເຫັນໃນສື່ອອນລາຍເຊັ່ນວ່າການໂພສຂາຍຢາໄລ່ເລືອດທີ່ມີຄວາມຮຸນແຮງ, ຖ້າຄົນຖືພາກິນຢານີ້ເຂົ້າໄປກໍສາມາດລຸລູກໄດ້ເນື່ອງຈາກຢານີ້ຖືເປັນສິນຄ້າຕ້ອງຫ້າມ ຫລື ຜິດກົດໝາຍ ເຊິ່ງບັນດາຮ້ານຂາຍຢາທົ່ວໄປກໍຖືກຫ້າມຈາກກະຊວງສາທາລະນະສຸກວ່າບໍ່ໃຫ້ມີການຊື້-ຂາຍ, ແຕ່ສື່ອອນລາຍໄດ້ໂພສຂາຍຢ່າງເປີດແປນເຊິ່ງເປັນອັນຕະລາຍ ແລະ ບໍ່ປອດໄພຕໍ່ຊີວິດ.

ດັ່ງນັ້ນ, ຂໍໃຫ້ພາກສ່ວນຮັບຜິດຊອບ ແລະ ພາກສ່ວນກ່ຽວຂ້ອງເອົາໃຈໃສ່ເຂັ້ມງວດ-ກວດກາການຂາຍສິນຄ້າທີ່ຜິດ ຫລື ເກືອດຫ້າມ ເພື່ອຮັບປະກັນຄວາມປອດໄພຕໍ່ສຸຂະພາບ ແລະ ຊີວິດຂອງຜູ້ບໍລິໂພກ.