ໂຣນັລໂດ້ ແລະ ເມສຊີ່ ໂພສຮູບພາບ ຫລິ້ນໝາກຣຸກນຳກັນລົງ IG ເຮັດໃຫ້ໂລກໂຊຊ້ຽວລຸກເປັນໄຟ
ລີໂອເນວ ເມສຊີ່ ແລະ ຄຣິສເຕຍໂນ ໂຣນັລໂດ້ ເຮັດໃຫ້ໂລກໃນ Instagram ເກືອບຖະຫລົ່ມ ຫລັງຈາກທີ່ໄດ້ໂພສຮູບພວກເຂົາຫລິ້ນໝາກຣຸກໃສ່ເຖິງກະເປົາແບຣນເນມດັງເຊັ່ນ Louis Vuitton (ຫລຸຍ ວິດຕອງ) ເຮັດໃຫ້ແຟນບານຕ້ອງຕົກໃຈເມື່ອເຫັນສອງນັກເຕະແຫ່ງຍຸກນີ້ເຮັດກິດຈະກຳຮ່ວມກັນແບບບໍ່ຄາດຄິດມາກ່ອນ.
ຮູບພາບຂອງ “ໂດ້ ແລະ ເມສຊີ່” ຫລິ້ນໝາກຣຸກຮ່ວມກັນ. ມັນໄດ້ກາຍເປັນໄວຣັລຢ່າງໄວວາເພາະວ່າພາຍໃນ 30 ນາທີທໍາອິດຫລັງຈາກຮູບພາບໄດ້ຖືກເຜີຍແຜ່, ຈໍານວນການກົດຖືກໃຈເກີນ 10 ລ້ານຄັ້ງຈາກທັງສອງໂພສ. ແລະ ນີ້ມັນອາດຈະເປັນປະຫວັດສາດຂອງໂພສທີ່ມີຄົນກົດຖືກໃຈຫລາຍທີ່ສຸດຂອງ Instagram. ເຊິ່ງໂພສຂອງເຂົາເຈົ້າມີຄຳບັນຍາຍສັ້ນໆທີ່ຄືກັນວ່າ: “ໄຊຊະນະຢູ່ໃນໃຈ ຕົ້ນສະບັບກະເປົ໋າສຸດຄລາສສິກ, ຖ່າຍຮູບໂດຍ Annie Liebewitz ສໍາລັບ Louis Vuitton.”
ເຖິງວ່າຈະເປັນການໂຄສະນາໃຫ້ກັບ Louis Vuitton (ຫລຸຍ ວິດຕອງ) ແຕ່ມັນເຮັດໃຫ້ແຟນບານດີໃຈທີ່ໄດ້ເຫັນນັກເຕະບານສອງຄົນຂອງທົດສະວັດຢູ່ຮ່ວມກັນນອກເຫນືອຈາກການຕໍ່ສູ້ໃນສະຫນາມກິລາບານເຕະ.
