ຫລັງເກີດລູກບໍ່ຄວນຍົກຍໍເຄື່ອງຂອງໜັກ
August 28, 2017 - 9:47 AM
ເພື່ອຮັກສາໃຫ້ສຸຂະພາບຮ່າງກາຍຂອງແມ່ກັບມາແຂງແຮງໂດຍໄວ ຫລັງເກີດລູກແມ່ທັງຫລາຍຄວນຄຳນຶງໄວ້ວ່າຫ້າມຍົກຍໍສິ່ງຂອງໜັກ ເພາະຈະໄປກະທົບກະເທືອນບາດແຜທີ່ຫຍິບໄວ້ ເຮັດໃຫ້ບາດຍະ ຫລື ຈີກໄດ້.
ຢ່າຟ້າວຍົກຍໍສິ່ງຂອງໜັກໆເພາະການອອກແຮງຍົກຍໍໜັກໆຈະຕ້ອງເກັງກ້າມຊີ້ນບໍລິເວນໜ້າທ້ອງ ເຊິ່ງຈະກະທົບກະເທືອນຕໍ່ບາດແຜຜ່າຕັດເກີດ ຫລື ມົດລູກ ໂດຍສະເພາະແມ່ທີ່ເກີດລູກໂດຍການຜ່າຕັດຍິ່ງຕ້ອງລະມັດລະວັງໃຫ້ຫລາຍ ເພາະບາດແຜຜ່າຕັດອາດຈະຍະອອກ ຫລື ຈີກໄດ້ງ່າຍຫລາຍ.
ປົກກະຕິແລ້ວຫລັງເກີດລູກ 1 ເດືອນ ທັງບາດແຜຜ່າຕັດ ແລະ ມົດລູກຈຶ່ງຈະກັບເຂົ້າອູ່ ແລະ ແຂງແຮງຂຶ້ນ. ດັ່ງນັ້ນ, ໄລຍະນີ້ ວຽກໜັກ ຫລື ວຽກຍົກຍໍສິ່ງຂອງຕ່າງໆຈະຕ້ອງປ່ອຍໃຫ້ເປັນໜ້າທີ່ຂອງຜູ້ເປັນພໍ່ ສ່ວນແມ່ກໍລ້ຽງລູກໃຫ້ລູກກິນນົມແມ່ກໍພໍແລ້ວ.
