ຈັບຕົວຜູ້ຕ້ອງຫາຄ້າຂາຍຢາເສບຕິດ ພາຍຫລັງເອົາຕົວຫລົບໜີໄດ້ 5 ເດືອນ
November 16, 2022 - 8:59 AM
ເຈົ້າໜ້າທີ່ ປກສ ເມືອງວັງວຽງ ລາຍງານກ່ຽວກັບການຈັບກຸມຜູ້ຄ້າຢາເສບຕິດ ທີ່ເອົາຕົວຫລົບໜີໃນໄລຍະຜ່ານມາ ວ່າ: ໃນວັນທີ 5 ມິຖຸນາ 2022 ເວລາປະມານ 8:30 ໂມງ, ມີປະຊາຊົນພົບເຫັນຢາບ້າ ຢູ່ໃນກະເປົາສີເທົາ ຊຸກເຊື່ອງໄວ້ຢູ່ປ່າແຄມນໍ້າ ເຂດບ້ານທ່າເຮືອ ເມືອງວັງວຽງຢາບ້າ ຈຳ ນວນ 3 ແພັກ ເທົ່າກັບ 9 ມັດ,ແຕ່ນັບຕົວຈິງ ມີຢາບ້າ ທັງໝົດ 15.086 ເມັດ.
ຈາກນັ້ນ, ເຈົ້າໜ້າທີ່ ສາມາດສືບຮູ້ເປົ້າໝາຍ ຊື່ທ້າວ ແມັດທິວ ອາຍຸ 23 ປີ ຢູ່ບ້ານຫ້ວຍໝໍ້ ເມືອງວັງວຽງ ແຂວງວຽງຈັນ.ແຕ່ຜູ້ກ່ຽວໄດ້ລົບໜີ ຈົນມາ ຮອດ ວັນທີ 2 ພະຈິກ 2022 ກໍສາມາດຕິດຕາມນຳຕົວຜູ້ກ່ຽວ ມາດຳເນີນການສອບສວນ.
ມາຮອດວັນທີ 4 ມິຖຸນາ 2022 ເວລາປະມານ 23:00 ໂມງ, ຜູ້ກ່ຽວກໍເອົາຢາບ້າດັ່ງກ່າວ ຂີ່ລົດຈັກອອກໄປບ້ານທ່າເຮືອ ເມືອງວັງວຽງ.ໃນເວລານັ້ນ. ຄິດວ່າມີເຈົ້າໜ້າທີ່ ປກສ ຕິດຕາມ ຈຶ່ງຊຸກເຊື່ອງຢາບ້ໄວ້ປ່າແຄມທ່ານ້ຳ ແລ້ວຂີ່ລົດລົບໜີໄປເມືອງທຸລະຄົມ ແຂວງວຽງຈັນ.
