10 ອັນດັບ ນັກເຕະອາຍຸຫລາຍກວ່າ 34 ປີທີ່ມີມູນຄ່າການຕະຫລາດສູງທີ່ສຸດກ່ອນເປີດຕະຫລາດນັກເຕະເດືອນມັງກອນ 2023
- ເຊີຄີໂອ ຣາມອສ : 6 ລ້ານຢູໂຣ.
ກອງຫລັງຊາວສະເປນອາຍຸ 36 ປີ ທີ່ຫລັງຈາກເຊົາເຈັບກັບມາກໍຍຶດຕົວຫລັກກັບ ປາຣີສ ແຊັງ ແຊັກແມັງ ເອົາໄວ້ໄດ້ຢ່າງໜຽວແໜ້ນ ແຕ່ໜ້າເສຍດາຍທີ່ລາວບໍ່ໄດ້ຕິດທີມຊາດສະເປນໄປລຸຍບານໂລກຄັ້ງນີ້.
- ຮູໂກ້ ຢໍຣິສ : 7 ລ້ານຢູໂຣ.
ຜູ້ຮັກສາປະຕູອາຍຸ 35 ປີຈາກ ທັອດແນມ ຮັອດສະເປີ ຍັງຄົງຍຶດມືຫນຶ່ງຂອງ ສະເປີ ມາໄດ້ຢ່າງຕໍ່ເນື່ອງຍາວນານເຊ່ັນດຽວກັບໃນທີມຊາດຝຣັ່ງທີ່ລາວຍັງຄົງເປັນເບີຫນຶ່ງໃຫ້ກັບທີມຝຣັ່ງໃນບານໂລກ.
- ຢາໂກ ອາສປາສ : 7 ລ້ານຢູໂຣ.
ໂຊຟອມ ຖະຫລົ່ມທະລາຍໃນ ລາລີກາ ສະເປນ ຕະຫລອດຫລາຍປີທີ່ຜ່ານມາ ເຊ່ັນດຽວກັບລະດູການນີ້ທີ່ຍິງໄປແລ້ວ 7 ປະຕູໃຫ້ກັບຕົ້ນສັງກັດ.
- ລູກາ ໂມດຣິດ : 10 ລ້ານຢູໂຣ.
ຍອດກາງກາງຊາວໂຄຣເອເຊຍ ອາຍຸ 37 ປີ ເຖິງອາຍຸຈະຫລາຍ ແຕ່ກໍຍັງສະແດງຜົນງານໄດ້ຢ່າງຄົງເສັ້ນຄົງວາ ກັບບາດການເປັນກຳລັງສຳຄັນໃຫ້ກັບ ຣຽວ ມາດຣິດ ມາຈົນເຖິງປັດຈຸບັນ.
- ອັງເຄລ ດີ ມາເຣຍ : 10 ລ້ານຢູໂຣ.
ປີຕົວເກ່ັງຊາວອາເຈນຕີນາ ທີ່ຫາກໍຍ້າຍມາຮ່ວມທີມຢູເວນຕຸສເມື່ອລະດູການຜ່ານມາ ແຕ່ຜົນງານຂອງຕົ້ນສັງກັດຈະຍັງບໍ່ສົມບູນເທົ່າທີ່ຄວນ ເຊິ່ງລາວອາດຈະຕ້ອງໃຊ້ເວລາໃນການປັບຕົວເພື່ອຮຽກຟອມເກ່ັງກັບມາໃຫ້ໄດ້.
- ມານູເອລ ນອຍເອີ : 10 ລ້ານຢູໂຣ.
ມືກາວອາຍຸ 36 ປີຂອງ ບາເຢິນ ມິວນິກ ແລະ ທີມຊາດເຢຍລະມັນ ຍັງຄົງຍຶດມືຫນຶ່ງທັງໃນລະດັບສະໂມສອນ ແລະ ທີມຊາດເອົາໄວ້ໄດ້ຢ່າງໜຽວແໜ້ນ ແລະ ເບິ່ງຈາກສະພາບຮ່າງກາຍໜ້າຈະສາມາດຢູ່ເຝົ້າໃນລະດັບສູງໄດ້ສະບາຍໄປຈົນເຖິງອາຍຸ 40 ປີ ຢ່າງແນ່ນອນ.
- ຄຣິສເຕຍໂນ ໂຣນັລໂດ້ : 20 ລ້ານຢູໂຣ.
ພວມເປັນປະເດັນຮ້ອນກ່ອນບານໂລກສຳລັບຈຸດແຕກຫັກຂອງລາວກັບ ແມນເຊສເຕີ ຢູໄນເຕັດ ເຊິ່ງຄາດວ່າດາວຍິງອາຍຸ 37 ປີ ລາຍນີ້ໜ້າຈະບໍ່ສາມາດສວມເສື້ອແມນຢູ ໄດ້ອີກຕໍ່ໄປແລ້ວນັບຈາກນີ້.
- ຄາຣິມ ເບນເຊມາ : 35 ລ້ານຢູໂຣ.
ດາວຍິງທີມຊາດຝຣັ່ງຂອງ ຣຽວ ມາດຣິດ ອາຍຸ 34 ປີ ເຈົ້າຂອງລາງວັນບັນລົງດໍຄົນຫລ້າສຸດ ຍັງຄົງລະເບີດຜົນງານເກ່ັງກັບ ຣຽວ ມາດຣິດ ໄດ້ຢ່າງຕໍ່ເນື່ອງ ເຖິງວ່າຈະເລີ່ມມີອາການບາດເຈັບລົບກວນແລ້ວກໍຕາມ.
- ໂຣເບີດ ເລວານດອບສະກີ : 45 ລ້ານຢູໂຣ.
ດາວຍິງຊາວໂປແລນ ອາຍຸ 34 ປີ ທີ່ຫາກໍຍ້າຍມາຢູ່ກັບ ບາເຊໂລນາ ໃນລະດູການນີ້ ຍັງຄົງຍິງປະຕູຖະຫລ່ົມທະລາຍຢ່າງຕໍ່ເນື່ອງ ແຕ່ໜ້າເສຍດາຍທີ່ປີນີ້ພວກເຂົາຈະບໍ່ໄດ້ໄປຕໍ່ໃນ ແຊ໊ມປຽນລີກ ຫລັງຈາກຈົບອັນດັບ 3 ໃນຮອບແບ່ງກຸ່ມ.
- ລີໂອເນລ ເມສຊີ : 50 ລ້ານຢູໂຣ.
ຍອດດາວຍິງຊາວອາເຈນຕີນາອາຍຸ 35 ປີ ທີ່ປີນີ້ລະເບີດຜົນງານເກ່ັງກັບ ປາຣີສ ແຊງ ແຊັກແມັງ ໄດ້ຈາກຜົນງານ 12 ປະຕູ ກັບ 14 ແອສຊິສ ຈຶ່ງບໍ່ໜ້າແປກໃຈທີ່ລາວຈະບໍ່ຖືກກ່າວເຖິງຫລາຍຄືກັບສະໄຫມກ່ອນ ແຕ່ກໍຍັງມາດຕະຖານດັບດີເອົາໄວ້ໄດ້ຢ່າງສະເຫມີຕົ້ນສະເຫມີປາຍ.
