ບໍ່ຢາກສະໝອງເສື່ອມຟັງທາງນີ້ ເຄັດລັບການເບິ່ງແຍງສະໝອງ
.
ໃຜວ່າອາຍຸເປັນພຽງຕົວເລກ ຍິ່ງອາຍຸຫລາຍລະບົບຕ່າງໆຂອງຮ່າງກາຍກໍຍິ່ງເສື່ອມລົງຕາມເວລາ ເຊິ່ງລະບົບທີ່ສໍາຄັນທີ່ສຸດໃນຮ່າງກາຍໄດ້ແກ່ ສະໝອງ, ລ່າສຸດ ນັກໂພຊະນາການຈາກມະຫາວິທະຍາໄລ Harvard ໄດ້ແນະນໍາເຄັດລັບການກິນວິຕາມິນໃຫ້ຖືກປະເພດ ເພື່ອເປັນປະໂຫຍດຕໍ່ສະໝອງ
.
Dr. Uma Naidoo ຈິດຕະແພດດ້ານໂພຊະນາການ ຜູ້ຊ່ຽວຊານດ້ານສະໝອງ ແລະ ຄະນະອາຈານ Harvard Medical School ບອກວ່າ ຕົນເປັນຄົນໜຶ່ງທີ່ມັກຈະໃຫ້ຄວາມສໍາຄັນກັບອາຫານການກິນ ເພື່ອບໍາລຸງສ່ວນຕ່າງໆຂອງຮ່າງກາຍ ແລະ ຕ້ອງແນ່ໃຈວ່າໄດ້ຮັບວິຕາມິນທີ່ຖືກຕ້ອງ ໂດຍສະເພາະວິຕາມິນທີ່ຊ່ວຍປ້ອງກັນການຮັບຮູ້ ແລະ ເຂົ້າໃຈຂອງສະໝອງ
.
ແນ່ນອນວ່າຍິ່ງອາຍຸຫລາຍຂຶ້ນ ອາການຫລົງໆລືມໆກໍຈະຕາມມາ, Dr. Uma Naidoo ໄດ້ຮັບຄໍາຖາມຈາກຄົນຮອບຕົວວ່າ “ວິຕາມິນຫຍັງດີທີ່ສຸດ ໃນການປົກປ້ອງສະໝອງທີ່ອາຍຸຫລາຍຂຶ້ນ?” ແລະ ຄໍາຕອບທີ່ໄດ້ແມ່ນ ວິຕາມິນ B
.
ການສຶກສາຈາກຄະນະແພດສາດ ມະຫາວິທະຍາໄລ Wayne State University School of Medicine ພົບວ່າ ສາເຫດຂອງອາການຊຶມເສົ້າ, ພາວະສະໝອງເສື່ອມ ແລະ ຄວາມບົກພ່ອງທາງຈິດ ສ່ວນຫລາຍມາຈາກການທີ່ສະໝອງຂາດວິຕາມິນB ໂດຍສະເພາະ ວິຕາມິນ B12
.
Dr. Uma Naidoo ຍັງໄດ້ແນະນໍາອາຫານທີ່ຕົນກິນເປັນປະຈໍາ ເຊິ່ງເຕັມໄປດ້ວຍວິຕາມິນບີ, ແຕ່ກ່ອນທີ່ຈະໄປຮັບປະທານສິ່ງເຫລົ່ານັ້ນຕ້ອງຮູ້ກ່ອນວ່າຮ່າງກາຍຂອງຄົນເຮົາມີຄວາມແຕກຕ່າງກັນອອກໄປ ຂຶ້ນກັບພຶດຕິກໍາຂອງແຕ່ລະຄົນ ທີ່ເຮັດໃຫ້ເຮົາມີອາຍຸຫລາຍຂຶ້ນ. ດັ່ງນັ້ນ ການກິນອາຫານໃຫ້ມີປະສິດທິພາບຢ່າງແທ້ຈິງຄວນປັບໃຫ້ເຂົ້າກັບສະພາບຄວາມຕ້ອງການແຕ່ລະບຸກຄົນ…
– ໄຂ່ 1 ໜ່ວຍ ເປັນແຫລ່ງວິຕາມິນ B7
– ໂຢເກິດ ເປັນແຫລ່ງວິຕາມິນ B2 & B12
– ພືດທັນຍາຫານ ເປັນແຫລ່ງລວມວິຕາມິນ B9, B1, B2,B3,B5 & B6.
– ປາແຊວມ້ອນ ແຫລ່ງວິຕາມິນ B ຕາມທໍາມະຊາດ ໄດ້ແກ່ B2,B3, B6 & B12.
– ແກ່ນຕາເວັນໜຶ່ງໃນແຫລ່ງວິຕາມິນ B5 ທີ່ດີທີ່ສຸດສໍາຫລັບພືດ.
– ຜັກໃບຂຽວເຊັ່ນ: ຜັກຫົມ, ກະຫລໍ່າ ເປັນແຫລ່ງວິຕາມິນ B9 ທີ່ດີ.
ອ້າງອີງ
