ແມນຢູ ກຽມຍົກເລີກສັນຍາ ໂຣນັລໂດ້

ແມນຢູ ຈະບໍ່ທົນ ພ້ອມຍົກເລີກສັນຍາ ໂຣນັລໂດ້ ແຕ່ຕ້ອງບໍ່ຮັບຄ່າຈ້າງທີ່ເຫລືອ.

ແມນເຊສເຕີ ຢູໄນເຕັດ ພວມພິຈາລະນາຍົກເລີກສັນຍາ ຄຣິສເຕຍໂນ ໂຣນັລໂດ້ ກອງໜ້າຄົນເກ່ັງຈາກກໍລະນີທີ່ໃຫ້ສຳພາດ ໂຈມຕີສະໂມສອນ ແນວໃດກໍຕາມ ໂຣນັລໂດ ກໍຕ້ອງບໍ່ຮຽກຮ້ອງເງິນຊົດເຊີຍນຳອີກ.

ດາວເຕະອາຍຸ 37 ປີ ໂຈມຕີສະໂມສອນ ຫາວ່າແມນຢູ ທໍລະຍົດຫັກຫລັງ ບີບບັງຄັບລາວໃຫ້ອອກຈາກທີມ ແລະ ຕຳນິ ເອຣິກ ເທນ ຮາກ ຜູ້ຈັດການທີມບອກວ່າລາວບໍ່ເຄົາລົບຜູ້ຈັດການທີມຊາວເນເທີແລນ.

ຢ່າງໜ້ອຍທີ່ສຸດຄາດວ່າ ໂຣນັລໂດ້ ຈະຖືກປັບຄ່າຈ້າງສອງອາທິດ ຄິດເປັນເງິນປະມານ 1 ລ້ານປອນ ແລະ ແມນຢູ ຍິນດີຈະຍົກເລີກ ສັນຍາໃຫ້ອິດສະລະຍ້າຍທີມເດືອນມັງກອນ ເຖິງວ່າກ່ອນໜ້ານີ້ແມນຢູ ຕ້ອງການຂາຍເພື່ອໃຫ້ໄດ້ເງິນເທົ່າທີ່ຈ່າຍໃຫ້ຢູເວນຕຸສ ແຕ່ຕອນນີ້ຜູ້ບໍລິຫານພ້ອມປ່ອຍອອກ ຫາກບໍ່ຕ້ອງຈາຍຄ່າຈ້າງ ໂຣນັລໂດ້ ອີກ 6 ເດືອນທີ່ເຫລືອ ແຕ່ຄາດກັນວ່າ ໂຣນັລໂດ້ ບໍ່ໜ້າຈະຍອມເສຍໄດ້ 560,000 ປອນ/ອາທິດ ມູນຄ່າລວມປະມານ 13 ລ້ານປອນ.

ສ່ວນ ເດລີ ເມລ ເປີດເຜີຍວ່າ ແມນຢູ ພວມໃຫ້ທະນາຍຄວາມສຶກສາຄຳກ່າວອ້າງຂອງ ໂຣນັລໂດ້ ວ່າລະເມີດສັນຍາທີ່ເຊັນ ກັນໄວ້ຫລືບໍ່ ແຕ່ທີມພວມຖ້າເບິ່ງບົດສຳພາດສະບັບເຕັມທີ່ຈະອອກອາກາດໃນວັນພຸດ ແລະ ພະຫັດ.