ພະສົງລາວ ໄດ້ຮັບ “ລາງວັນສັນຕິພາບໂລກ” ເປັນກຽດໂດຍພຸດທະສາສະນິກກະຊົນໂລກ ແລະ ມອບໃຫ້ນັກບຸນ”

ວັນທີ 12 ພະຈິກ​ 2022 ຜ່ານມານີ້​ ພະສັງຄະລາຊາ ມ໊ອກເທັກ (Sang galaja MOKTAK) ຈາກ ສ.​ເກົາຫລີໃຕ້, ໄດ້ນິມົນເຂົ້າຮ່ວມງານພະສົງທີ່ມີຄຸນູປະການຕໍ່ພຸດທະສາສະໜາ ຈັດໂດຍ ສະມາຄົມຜູ້ນຳພຸດທະສາສະໜາສາກົນ ຫລື International Buddhism Leader Association ເຊິ່ງເອີ້ນວ່າ WORLD BUDDHIST DHARMA-KING

ໂດຍມີພະສົງທີ່ມີບົດບາດສຳຄັນ ເປັນຜູ້ນຳດ້ານພຸດທະສາສະໜາ ຈາກນານາປະເທດ ປະກອບດ້ວຍ ປະເທດມຽນມາ, ສປປ ລາວ, ໄທ, ສີລັງກາ, ມົງໂກເລຍ.​

ພຣະສົງຈາກປະເທດ ສປປ ລາວ​ໄດ້ຖືກຄັດເລື່ອກໃຫ້ໄດ້ຮັບລາງວັນແມ່ນ ພະອາຈານ ພວງປະເສີດ ພູມາວົງ ຄະນະບໍລິຫານງານປະຈຳການ, ຮອງຫົວໜ້າກັມມາທິການສຶກສາສົງ ສູນກາງ ອພສ,​ ເຈົ້າອະທິການວັດອົງຕື້ ມະຫາວິຫານ ເປັນອົງໄດ້ຮັບລາງວັນ ຊື່ວ່າ “ລາງວັນສັນຕິພາບໂລກ ເປັນກຽດໂດຍພຸດທະສາສະນິກະຊົນໂລກ ແລະ ມອບໃຫ້ນັກບຸນ” ຫລື World Peace Prize Honored by World Buddhists and Degree Awarded to a Saint ແລະ ໄດ້ມີການມອບລາງວັນຍ້ອງຍໍໃຫ້ພະສົງເກົາຫລີ ແລະບັນດາສະມາສິກ, ຈົບລົງດ້ວຍຊາວພຸດເກົາຫລີ ຂາບໄຫວ້ ຄະນະພະສົງເຖລະ.

ຂໍ້ມູນຈາກ: Thantachito Bhikkhu