ແອສຕັນ ຢູໄນເຕັດ ທີມນອກລີກຂອງອັງກິດ ຂໍຢືມໂຕ ຮາແລນ ຈາກເຮືອໃບ 28 ວັນ ເພື່ອຈະຊ່ວຍຮັກສາຄວາມຟິດຊ່ວງບານໂລກ
ໃນລະຫວ່າງການແຂ່ງຂັນເຕະບານໂລກ 2022 ເປັນເວລາ 1 ເດືອນ, ເອີລິງ ຮາແລນ ກອງໜ້າຂອງ ແມນເຊັສເຕີ ຊິຕີ້ ອາດຈະໂດດດ່ຽວເລັກນ້ອຍເນື່ອງຈາກວ່າ ນໍເວ ປະເທດບ້ານເກີດບໍ່ໄດ້ຜ່ານເຂົ້າຮອບສຸດທ້າຍບານໂລກທີ່ປະເທດກາຕ້າ. ຢ່າງໃດກໍຕາມ ລາວອາດຈະມີບາງສິ່ງບາງຢ່າງທີ່ຕ້ອງເຮັດ ຕົວຢ່າງໄປຫລິ້ນກັບທີມນອກລີກອັງກິດ ດ້ວຍສັນຍາຢືມໂຕ.
ເລື່ອງມີຢູ່ວ່າ ແອສຕັນ ຢູໄນເຕັດ ສະໂມສອນສະດັບ 7 ໃນອັງກິດ ຕົກເປັນຂ່າວໄດ້ຍື່ນສະເໜີຂໍ້ສະເໜີໄປຫາ “ເຮືອໃບສີຟ້າ” ພ້ອມຂໍ້ຄວາມຊວນຕົກໃຈເມື່ອພວກເຂົາຍື່ນເລື່ອງຂໍຢືມຕົວ ຮາແລນ ທີ່ບໍ່ໄດ້ໄປເຕະບານໂລກຮອບນີ້. ມາຫລິ້ນກັບທີມເປັນການຊົ່ວຄາວເວລາ 28 ວັນ
ເຖິງວ່າເບິ່ງແລ້ວອາດຈະເປັນໄປໄດ້ຍາກ ແຕ່ຜູ້ຈັດການຂອງ ແອສຕັນ ໄມເຄິລ ເຄຣັກ ຢືນຢັນວ່າມັນເປັນຄວາມຈິງ. ເຖິງຂັ້ນທີ່ວ່າສະໂມສອນໄດ້ປະກາດຢ່າງຈິງຈັງຜ່ານເວັບໄຊທ໌ຂອງພວກເຂົາ ວ່າພວກເຂົາໄດ້ຕິດຕໍ່ກັບທີມສີຟ້າຂອງເມືອງແມນເຊັສເຕີ ໂດຍອ້າງວ່າຢືມໂຕຄັ້ງນີ້ນອກຈາກຈະເຊີນມາຫລິ້ນຊົ່ວຄາວ ຍັງຖືວ່າເປັນການຊ່ວຍໃຫ້ກອງໜ້າຊາວນໍເວ ຮັກສາຄວາມຟິດໄປໃນຕົວເຊັ່ນດຽວກັນ. ເພື່ອກຽມພ້ອມທີ່ຈະລົງສະໜາມຫລັງບານໂລກ.
