ຫວຽດນາມປະດັບຫລຽນໄຊເອກະລາດ ໃຫ້ການນໍາແຂວງຫລວງພະບາງ

ໃນໂອກາດທີ່ການນໍາແຂວງຫລວງພະບາງໄດ້ເດີນທາງໄປຢ້ຽມຢາມ ແລະ ເຮັດວຽກຢູ່ 3 ແຂວງຂອງ ສສ. ຫວຽດນາມໃນລະຫວ່າງວັນທີ 23-29 ສິງຫານີ້, ແຂວງເຊີນລາໄດ້ຕາງໜ້າໃຫ້ລັດຖະບານແຫ່ງ ສສ.ຫວຽດນາມ ຈັດພິທີປະດັບຫລຽນໄຊເອກະລາດໃຫ້ແກ່ການນໍາແຂວງຫລວງພະບາງຂຶ້ນຢ່າງສົມກຽດ, ໂດຍທ່ານ ຮວາງວັນເຈີດ ເລຂາພັກແຂວງປະທານສະພາປະຊາຊົນແຂວງເຊີນລາ ເພື່ອເປັນການຍ້ອງຍໍຊົມເຊີຍຕໍ່ການປະກອບສ່ວນເພີ່ມທະວີຄວາມສາມັກຄີມິດຕະພາບແບບພິເສດ ແລະ ການຮ່ວມມືຮອບດ້ານລະຫວ່າງ ສສ. ຫວຽດນາມ ແລະ ສປປ ລາວ ນັບມື້ແຕກດອກອອກຜົນງອກງາມຍິ່ງໆຂຶ້ນ, ຊຶ່ງຜູ້ໄດ້ຮັບຫລຽນໄຊດັ່ງກ່າວມີ: ທ່ານ ຂັນຄໍາ ຈັນທະວີສຸກ ເລຂາພັກແຂວງເຈົ້າແຂວງຫລວງພະບາງ ໄດ້ຮັບຫລຽນໄຊເອກະລາດຊັ້ນ 2 ແລະ ອີກ 3 ທ່ານ ໄດ້ຮັບຫລຽນໄຊເອກະລາດຊັ້ນ 3.