ຊອນ ເຮືອງ ມິນ ຍັງຕິດທີມຊາດເກົາຫລີໃຕ້ ໄປບານໂລກ ເຖິງຈະຍັງເຈັບຢູ່ກໍຕາມ

ສ.ເກົາຫລີ ປະກາດຊື່ 26 ນັກເຕະຊຸດໄປບານໂລກ 2022 ໂດຍຄົນທີ່ເປັນປະເດັນໃຫ້ກັງວົນຢ່າງ ຊອນ ເຮືອງ ມິນ ຍັງຕິດລາຍຢູ່ນຳ ນອກນັ້ນມີນັກເຕະໃນລີກຢູໂຣບອີກຫລາຍຄົນ.

ສະຫະພັນບານເຕະ ສ.ເກົາຫລີ ປະກາດລາຍຊື່ນັກເຕະ 26 ຄົນສຸດທ້າຍ ຊຸດລຸຍການແຂ່ງຂັນບານໂລກ 2022 ອອກມາແລ້ວ ໂດຍດາວເດ່ັນຢ່າງ ຊອນ ເຮືອງ ມິນ ກອງໜ້າຈາກ ສະເປີ ແຫ່ງພຣີເມຍລີກ ອັງກິດ ຍັງມີຊື່ຢູ່ ເຖິງຈະສ່ຽງຕໍ່ການຫລຸດຈາກລາຍ ຊື່ເມື່ອກ່ອນໜ້ານີ້.

ສື່ໃຫ້ຄວາມສົນໃຈໃນ ຊອນ ເຮືອງ ມິນ ຫລັງຈາກລາວໄດ້ຮັບບາດເຈັບກະດູກເບົ້າຕາ ຈົນຕ້ອງເຂົາຮັບການຜ່າຕັດ ເຊິ່ງລາຍງານ ລະບຸວ່າ ອາການອາດຮຸນແຮງເຖິງຂັ້ນອາດເຮັດໃຫ້ນັກເຕະອາຍຸ 30 ປີ ຫລຸດຈາກລາຍຊື່ບານໂລກຄັ້ງນີ້ ແຕ່ຜູ້ຈັດການທີມຢ່າງ ເປົາໂລ ເບນໂຕ ກໍຍັງຕັດສິນໃຈໃສ່ລາຍຊື່ດາວຍິງຄົນສຳຄັນໄປນຳຢູ່ດີ.

ທັງນີ້ ຄາດວ່າດາວຍິງຂອງສະເປີ ຈະຕ້ອງໃສ່ໜ້າກາດເພື່ອປ້ອງກັນໃບໜ້າຍາມລົງສະໜາມ ໂດຍນອກຈາກນັກເຕະຄົນນີ້ແລ້ວ ຍັງມີຊື່ທີ່ໜ້າສົນໃຈຢ່າງ ຮວາງ ຮີ ຊັນ ກອງໜ້າຈາກວູບແຮມຕັນ ວັນເດີເຣີ ທີມໃນພຮີເມຍລີກອີກເຊັ່ນດຽວກັນ ແລະ ຄິມ ມິນ ແຈ ກອງຫລັງຈາກນາໂປລີ ທີມແຫ່ງເຊເຣຍ ອາ ອິຕາລີ.