ແມນຢູ ກຽມຂາຍ ແມັກໄກວ ຫລັງຈົບລະດູການນີ້ ເຖິງຈະຂາດທຶນກໍຕາມ

ແມນເຊສເຕີ ຢູໄນເຕັດ ກຽມຂາຍ ແຮຣີ ແມັກໄກວ ໃຫ້ທີມອື່ນຫລັງຈົບລະດູການນີ້ ເຖິງຈະເປັນລາຄາທີ່ຂາດທຶນກໍຍອມ ຂະນະທີ່ ເຟຣັດ ກໍອາດຈະບໍ່ຢູ່ຕໍ່ເຊ່ັນດຽວກັນ.

ສຳນັກຂ່າວກາດຽນລາຍງານວ່າ ແມນເຊສເຕີ ຢູໄນເຕັດ ແຫ່ງພຣີເມຍລີກ ອັງກິດ ມີແຜນຂາຍ ແຮຣີ ແມັກໄກວ ກອງຫລັງຫົວ ໜ້າທີມ ເມື່ອຈົບລະດູການປັດຈຸບັນ ໂດຍພ້ອມພິຈາລະນາທຸກຂໍ້ສະເໜີທີ່ໜ້າສົນໃຈ.

ແມັກໄກວ ຍ້າຍຈາກ ເລສເຕີ ຊິຕີ ທີມພຣີເມຍລີກ ມາຢູ່ໃນກັບ ແມນຢູ ຕັ້ງແຕ່ເມື່ອປີ 2019 ແຕ່ຜົນງານໂດຍລວມບໍ່ ຄຸ້ມເງິນທີ່ຈ່າຍໄປໂດຍສິ້ນເຊີງ ແລະ ເມື່ອປ່ຽນຜູ້ຈັດການທີມມາເປັນ ເອຣິກ ເທນ ຮາກ ນັກເຕະລາຍນີ້ກໍຕົກໄປເປັນຕົວ ສຳຮອງອີກ.

ລາຍງານລະບຸວ່າ ເທນ ຮາກ ບໍ່ມັກ ແມັກໄກວ ທີ່ເບິ່ງເປັນກອງຫລັງທີ່ຊ້າ ແລະ ຢາກຂາຍນັກເຕະລາຍນີ້ອອກໄປ ເພື່ອຊື້ ຄົນໃຫມ່ມາເພີ່ມການແຂ່ງຂັນໃຫ້ຄົນອື່ນໃນຕຳແໜ່ງນີ້ຢ່າງ ຣາຟາເອລ ວາຣານ, ລິຊານໂດຣ ມາຕີເນສ ແລະ ວິກເຕີ ລິນເດເລິບ ເຖິງຈະເປັນລາຄາທີ່ຂາດທຶນກໍຍອມ.