ເດັກນ້ອຍລາວ ຮຽກຮ້ອງໃຫ້ ສປຊ ແກ້ໄຂໄພອຶດຫິວທີ່ເກີດຈາກການປ່ຽນແປງດິນຟ້າອາກາດ

ໃນກອງປະຊຸມ COP27 ຢູ່ Sharm El-Sheikh ປະເທດອີຢິບໃນວັນທີ 6-18 ພະຈິກ 2022 ພາຍໃຕ້ຫົວຂໍ້: ການຮຽກຮ້ອງໃຫ້ບັນດາຜູ້ນຳຟັງສຽງເດັກນ້ອຍ ຜູ້ທີ່ປະສົບວິກິດການປ່ຽນແປງດິນຟ້າອາກາດທີ່ສົ່ງຜົນກະທົບຕໍ່ຊີວິດການເປັນຢູ່ ແລະ ຊຸມຊົນຂອງເຂົາເຈົ້າ ແລະ ຮຽກຮ້ອງໃຫ້ທົ່ວໂລກດຳເນີນຕໍ່ເປົ້າໝາຍຫລຸດການປ່ຽນແປງອຸນຫະພູມ 1,5 ອົງສານັ້ນ, ເດັກນ້ອຍລາວ ໄດ້ຮຽກຮ້ອງໂດຍຜ່ານອົງການສຸພານິມິດທີ່ເຂົ້າຮ່ວມກອງປະຂຸມດັ່ງກ່າວ ປະຕິບັດສົນທິສັນຍາການປ່ຽນແປງຂອງດິນຟ້າອາກາດຂອງສະຫະປະຊາຊາດ ໃນໂອກາດຄົບຮອບ 30 ປີ ທີ່ຮັບຮອງເອົາສົນທິສັນຍາສະບັບນີ້ ເນື່ອງຈາກ ເດັກນ້ອຍມີຄວາມສ່ຽງຫຼາຍທີ່ສຸດຕໍ່ຜົນກະທົບຈາກການປ່ຽນແປງດິນຟ້າອາກາດ, ການດໍາລົງຊີວິດຂອງເຂົາເຈົ້າ ແລະ ອະນາຄົດຂອງເຂົາເຈົ້າຈຶ່ງຕ້ອງເປັນຈຸດໃຈກາງຂອງການວາງແຜນ ແລະ ການຕັດສິນໃຈຂອງຜູ້ນໍາທົ່ວໂລກຕໍ່ບັນຫາດັ່ງກ່າວ.

ຢູ່ ສປປ ລາວ, ເດັກນ້ອຍມີຄວາມສ່ຽງຈາກການປ່ຽນແປງດິນຟ້າອາກາດທີ່ນໍາໄປສູ່ການເກີດໄພພິບັດທຳມະຊາດ ຊຶ່ງໜຶ່ງໃນນີ້ແມ່ນພາຍຸເຂດຮ້ອນໂນຣຸ ກໍ່ໃຫ້ເກີດນ້ຳຖ້ວມ ໂດຍໄດ້ສົ່ງຜົນກະທົບທັງການດໍາລົງຊີ ວິດ, ການຮໍ່າຮຽນໂດຍກົງຕໍ່ເດັກນ້ອຍເອງ ແລະ ຄອບຄົວກໍສູນເສຍຊັບສິນ. ວິກິດການການປ່ຽນແປງດິນຟ້າອາກາດພວມສົ່ງຜົນກະທົບຕໍ່ທຸກຄົນ, ເດັກນ້ອຍຍິງ-ຊາຍໃນຊຸມຊົນທີ່ມີຄວາມສ່ຽງທີ່ສຸດໄດ້ຮັບຜົນກະ ທົບໜັກໜ່ວງ ເຖິງວ່າເຂົາເຈົ້າຈະເປັນຜູ້ຮັບຜິດຊອບໜ້ອຍທີ່ສຸດກໍຕາມ. ປັດຈຸບັນ, ເດັກນ້ອຍທົ່ວໂລກ ປະ ມານ 1 ຕື້ຄົນອາໄສຢູ່ປະເທດທີ່ມີຄວາມສ່ຽງສູງຕໍ່ການປ່ຽນແປງດິນຟ້າອາກາດ ແລະ ສະພາບແວດລ້ອມທີ່ເປັນອັນຕະລາຍ.

ການວາງແຜນແກ້ໄຂບັນຫາຂອງອົງການສຸພານິມິດສາກົນໄດ້ຄຳນຶງເຖິງຄວາມສຳຄັນຕໍ່ເດັກນ້ອຍເປັນຫຼັກຊຶ່ງບັນດາຜູ້ນຳໂລກຕ້ອງໄດ້ຟັງສຽງຂອງເດັກນ້ອຍທີ່ໄດ້ຮັບຜົນກະທົບຈາກການປ່ຽນແປງດິນຟ້າອາກາດ ແລະ ເລັ່ງແກ້ໄຂທັນທີ” ທ່ານ Andrew Morley ປະທານ ແລະ CEO ອົງການສຸພານິມິດສາກົນກ່າວ. ການຕອບໂຕ້ຕໍ່ບັນຫາການປ່ຽນແປງດິນຟ້າອາກາດຄວນດຳເນີນຢ່າງຍຸຕິທຳລະຫວ່າງສິດທິມະນຸດ, ການພັດທະນາ ແລະ ການຮັບມືຕໍ່ບັນຫາຍຸດທະສາດທີ່ເລັ່ງໃສ່ເດັກນ້ອຍເປັນຫຼັກ. 3 ປີຜ່ານມາ, ອົງການຈັດ ຕັ້ງສາກົນຕ່າງໆທີ່ສຸມໃສ່ເຮັດວຽກເພື່ອເດັກນ້ອຍໄດ້ສະໜັບສະໜູນຊາວຊົນນະບົດ 100 ແຫ່ງເພື່ອປັບປຸງຄວາມສາມາດການຮັບມືກັບໄພພິບັດ ແລະ ເພີ່ມທ ະວີຄວາມພ້ອມເພື່ອຮັບມືໃນເວລາປະສົບໄພພິບັດ.