ອີຕາລີ ບໍ່ເຫງົາ ປະກາດເກມອຸ່ນເຄື່ອງ 2 ເກມໃນຊ່ວງບານໂລກ ກັບ ອອສເຕຣຍ ແລະ ແອລເບເນຍ
ຂຸນພົນ “ແອັສຊູຣີ” ທີມຊາດອີຕາລີ ເຮັດໄດ້ພຽງແຕ່ເປີດໂທລະທັດເບິ່ງເຕະບານໂລກເທົ່ານັ້ນ ຫລັງຈາກເສຍໃຫ້ກັບ ມາຊິໂດເນຍເໜືອ ໃນຮອບເພຣອັອຟເຕະບານໂລກຮອບຄັດເລືອກ, ເຮັດໃຫ້ພວກເຂົາບໍ່ໄດ້ໄປແຂ່ງຂັນບານໂລກ 2 ຄັ້ງຕິດຕໍ່ກັນ ທັງທີ່ຫາກໍ່ຄວ້າແຊ້ມຢູໂຣ 2020 ໃນປີກ່ອນນີ້ກໍ່ຕາມ.
ແຕ່ແລ້ວຂ່າວດີກໍມາເຖິງ. ເພາະແຟນບານອີຕາລີບໍ່ຕ້ອງທົນກັບຄວາມໂດດດ່ຽວໃນບານໂລກອີກຕໍ່ໄປ. ຂະນະທີ່ ສະຫະພັນບານເຕະອີຕາລີ (FIGC) ໄດ້ປະກາດ 2 ເກມອຸ່ນເຄື່ອງລະຫວ່າງການແຂ່ງຂັນບານໂລກ ພົບກັບ ແອລບາເນຍ ແລະ ອອສເຕຣຍ ໃນວັນທີ 16 ແລະ 20 ພະຈິກ ຕາມລຳດັບ, ເຊິ່ງຈະເປັນການອອກໄປຢາມທັງໝົດ
ດ້ານ ໂຣແບໂຕ ແມນຊິນີ ຜູ້ຈັດການທີມ ປະກາດລາຍຊື່ 31 ນັກເຕະຮຽບຮ້ອຍແລ້ວ. ເຊິ່ງເວລານີ້, ນີ້ແມ່ນການປະສົມປະສານຂອງຜູ້ຫລິ້ນລະຫວ່າງນຮຸ່ນເກົ່າ ແລະ ໃຫມ່. ທີ່ພິເສດສຸດແມ່ນການເອີ້ນຂອງ ຊິໂມເນ່ ປາຟຸນດີ້ ກອງຫນ້າອາຍຸ 16 ປີຈາກ ອູດິເນເຊ່, ທີ່ໄດ້ເປີດຕົວໃນ Serie A ໃນລະດູການນີ້ພຽງແຕ່ເກມດຽວເທົ່ານັ້ນ
ສໍາລັບນັກເຕະດາວດັງ ກໍ່ເຂົ້າຮ່ວມທີມຕາມນັດເຊັ່ນ:ຈານລຸຍຈິ ດອນນ່າລຸມມ່າ, ລີໂອນາໂດ້ ເບຣຸສຊີ, ມາໂກແວຣັດຕິ ແລະ ເຟີເດຣິໂກ ເຄຊ່າ.
