ໂຣນັລໂດ້ ພ້ອມໂບກມືລາ ແມນຢູ ໂດຍເປົ້າໝາຍສຳຄັນຄືການຍ້າຍໄປຫລິ້ນ ໃຫ້ ປາຣີສ ຍອດທີມແຫ່ງ ລີກເອີງ ຝຣັ່ງ

ກັບຕັນທີມຊາດໂປຕຸເກດ ຕົກເປັນຂ່າວວ່າຕ້ອງການຍ້າຍອອກຈາກ ໂອແທຣັບຟອດ ມາຕະຫລອດນັບຕັ້ງແຕ່ຜູ້ຈັດການຊາວໂຮນລັງ ເອຣິກ ເທນຮາກ ເຂົ້າມາຮັບຕຳແໜ່ງໃນລະດູຮ້ອນນີ້

CR7 ບໍ່ໄດ້ຮັບໂອກາດລົງສະໜາມຫລາຍໃນລະດູການ 2022/2023, ໂດຍສ່ວນໃຫຍ່ແມ່ນຍ້ອນວ່າຮູບແບບການຫລິ້ນຂອງລາວບໍ່ເຫມາະສົມກັບວິທີການສ້າງທີມຂອງ ເທນຮາກ

ເວົ້າໄດ້ວ່າ ນັກເຕະອາຍຸ 37 ປີ ຕ້ອງການຍ້າຍທີມ ແຕ່ຕ້ອງເປັນສະໂມສອນທີ່ມີສິດລົງແຂ່ງຂັນໃນ ຢູຟ່າ ແຊ້ມປ້ຽນລີກ ດັ່ງນັ້ນ ໂດ້ ຈຶ່ງບໍ່ສົນໃຈສະໂມສອນຈາກ ຊາອຸດິ ອາຣາເບຍ ເຖິງວ່າຈະໄດ້ຄ່າຈ້າງມະຫາສານກໍ່ຕາມ

ກ່ອນຫນ້ານັ້ນ, ເຊວຊີ ມີລຸ້ນທີ່ຈະໄດ້ ໂຣນັລໂດ້ ມາເສີມ, ແຕ່ໃນທີ່ສຸດການຍ້າຍທີມບໍ່ໄດ້ເກີດຂຶ້ນເພາະວ່າ “ສິງ​ໂຕ​” ໃຊ້​ງົບ​ປະ​ມານໄປ​ເພື່ອ​ຄວ້າ​. ໂອບາເມຍອງ ແລະ ລາຮິມ ສະເຕີລີງ ແທນ

ຢ່າງໃດກໍຕາມ ໂຣນັລໂດ້ ອາດມີໂອກາດທີ່ຈະຮ່ວມງານກັບ ລີໂອເນວ ເມສຊີ່ ຢູ່ ປາດ ເດີ ແພຣັງ, ຍ້ອນວ່າລາວໄດ້ເປີດເຜີຍຄວາມປາຖະຫນານີ້ໂດຍຜ່ານຊີວະປະຫວັດຂອງລາວ.