Apple ລົບແອັບຂອງນັກພັດທະນາຊາວອີຣານອອກຈາກ App Store ຕາມມາດຕະການຂວ້ຳບາດຂອງອາເມລິກາ
ຫຼັງຈາກທີ່ປະເທດອາເມລິກາໄດ້ເລີ່ມມາດຕະການຂວ້ຳບາດປະເທດອີຣານ, ຫຼັງຈາກອີຣານເຮັດການທົດລອງລູກສອນໄຟ ເຊິ່ງເປັນການລະເມີດມະຕິສະຫະປະຊາຊາດ (UN) ທາງບໍລິສັດ Apple ກໍໄດ້ຢຸດການວາງຈໍາໜ່າຍສິນຄ້າ ແລະ ບໍລິການໃນປະເທດອີຣານ ແລະ ໃນຂະນະນີ້ກໍາລັງທະຍອຍລົບແອັບທີ່ຖືກພັດທະນາໂດຍຊາວອີຣານອອກຈາກ App Store ຢ່າງຕໍ່ເນື່ອງ.
ສໍາລັບຂໍ້ຄວາມທີ່ Apple ໄດ້ສົ່ງໄປໃຫ້ນັກພັດທະນາຊາວອີຣານ ຈະມີເນື້ອໃນວ່າ “ພາຍໃຕ້ມາດຕະການຂວ້ຳບາດຂອງປະເທດອາເມລິກາ App Store ບໍ່ສາມາດຈະເປັນຜູ້ຈັດຈໍາໜ່າຍແອັບ ຫຼື ທຸລະກິດດ້ານແອັບກັບປະເທດທີ່ຖືກອາເມລິກາຂວ້ຳາບາດໄດ້” ລວມໄປເຖິງແຈ້ງໃຫ້ນັກພັດນາຢຸດສະເໜີຕົວເລືອກທີ່ຕ້ອງເສຍເງິນພາຍໃນແອັບ ເພື່ອປ້ອງກັນບໍ່ໃຫ້ເມັດເງິນຈາກປະເທດອີຣານໄຫຼເຂົ້າອາເມລິກາ.
ການປ່ຽນແປງໃນຄັ້ງນີ້ຍັງສົ່ງຜົນຕໍ່ແອັບຍອດນິຍົມເຊັ່ນ Uber, DelionFoods (LINE MAN ໃນບ້ານເຮົາ) ຖືກຖອນອອກດ້ວຍ ແລະ ເນື່ອງຈາກ ios ບໍ່ສາມາດເຮັດ Sideload ໄດ້ເໜືອນກັັບ Android, ການຕິດຕັ້ງແອັບຕ້ອງເຮັດຜ່ານ App Store ເທົ່ານັ້ນ ເຮັດໃຫ້ຜູ້ໃຊ້ຊາວອີຣານບໍ່ສາມາດຕິດຕັ້ງແອັບລົງໃນເຄື່ອງໄດ້ໃນຂະນະນີ້.
ແນວໃດກໍຕາມ ນັກພັດທະນາຊາວອີຣານໄດ້ພະຍາຍາມຫາທາງແກ້ໄຂບັນຫານີ້ ເພື່ອຕອບສະໜອງຕໍ່ຄວາມຕ້ອງການຂອງຄົນໃນທ້ອງຖິ່ນທີ່ຕ້ອງການໃຊ້ແອັບຢູ່.
