ຢຶດລົດເຄນເກົ່າ 2 ຄັນ ທີ່ລັກລອບຊື້-ຂາຍມາຈາກຈີນ ໂດຍບໍ່ໄດ້ເສຍພາສີ-ອາກອນ
November 9, 2022 - 1:25 PM
ຂ່າວກະຊວງການເງິນລາຍງານໃຫ້ຮູ້ວ່າ: ເວລາ 13:00 ໂມງຂອງວັນທີ 6 ພະຈິກ 2022 ຜ່ານມານີ້ ມີການເຄື່ອນຍ້າຍລົດເຄນເກົ່າໃຊ້ງານແລ້ວ ຈຳນວນ 2 ຄັນ, ມາແຕ່ແຂວງ ບໍ່ແກ້ວໄປສົ່ງຢູ່ແຂວງ ອຸດົມໄຊ.
ເຈົ້າໜ້າທີ່ພາສີປະຈຳຈຸດປະສານງານນາເຕີຍ, ໄດ້ຕິດຕາມ ແລະ ພົບເຫັນເປົ້າ ໜາຍຮອດເຂດບ້ານນາເຕີຍ ເມືອງຫຼວງນໍ້າທາ ແຂວງຫຼວງນ້ຳທາ, ເຈົ້າໜ້າທີ່ພາສີ ພສປ, ຈຶ່ງໄດ້ກວດກາເອກະສານ ແລະ ລົດຕົວຈິງຈຳນວນ 2 ຄັນ, ຜ່ານການກວດກາຕົວຈິງເຫັນມີແຕ່ເອກະສານຊື້-ຂາຍເປັນພາສີຈີນ, ສະບັບລົງວັນທີ 3 ພະຈິກ 2022 ຈຳນວນ 1 ສະບັບ ແລະ ເຫັນວ່າເປັນລົດບໍ່ທັນໄດ້ເສຍພາສີ-ອາກອນ.
ດັ່ງນັ້ນ, ຈຶ່ງເຊີນຄົນຂັບລົດ 22 ລໍ້ທັງ 2 ຄັນເຂົ້າໄປຫ້ອງການຈຸດປະສານງານນາເຕີຍ (ພສປ) ແລ້ວໄດ້ເອົາຄຳໃຫ້ການໃນເບື້ອງຕົ້ນພ້ອມທັງໄດ້ເຮັດບົດບັນທຶກຢຶດສິນ ຄ້າ, ເຄື່ອງຂອງ ແລະ ໄດ້ມອບສຳນວນຄະດີ ແລະ ຂອງກາງໃຫ້ພາສີ ປະຈຳແຂວງຫຼວງນ້ຳທາ, ເປັນຜູ້ດຳເນີນການສືບສວນ-ສອບສວນ ແລະ ແກ້ໄຂຄະດີທາງພາສີຕາມລະ ບຽບການ ແລະ ກົດໝາຍຂັ້ນຕອນຕໍ່ໄປ.
