ຣອນນີ ເໜືອ ທຣຳ ຄວ້າແຊ້ມສະນຸກເກີ ແຊ້ມພົບແຊ້ມ 2022
November 7, 2022 - 10:39 PM
ຍັງຄົງສ້າງຜົນງານໄດ້ຢ່າງສຸດຍອດຢ່າງຕໍ່ເນື່ອງ ສຳລັບແຊ໊ມໂລກຄົນຫລ້າສຸດຢ່າງ ຣອນນີ ໂອຊຸລລີແວນ ນັກສະນຸກເກີມື 1 ຂອງໂລກຊາວອັງກິດ.
ຫລັງຫລ້າສຸດວັນທີ 7 ພະຈິກນີ້ ມະຫາເທບແຫ່ງກິລາສະນຸກເກີ ຈັດການດັບຫ້າວແຊ໊ມເກ່ົາຢ່າງ ຈັດ ທຣຳ ມື 3 ຂອງໂລກ ຈາກຊາດດຽວກັນໄດ້ 10-6 ເຟຣມ ຄວ້າແຊ້ມສະນຸກເກີລາຍການ Champion of Champion 2022 ຫລື ແຊ້ມເໜືອແຊ້ມ ໄປຄອງໄດ້ສຳເລັດ ທີ່ເວທີຢູນີເວີຊິຕີອອຟໂບລຕັນ ເມືອງໂບລຕັນ ປະເທດອັງກິດ.
ຄວາມສຳລັບໃນຄັ້ງນີ້ເຮັດໃຫ້ ຣອນນີ ທີ່ພວມຈະອາຍຸຄົບ 47 ປີໃນວັນທີ 5 ທັນວາທີ່ຈະມາເຖິງນີ້ ຄວ້າລາງວັນ 150,000 ປອນ ພ້ອມກັບໄດ້ສິດທິກັບມາປ້ອງກັນແຊ໊ມລາຍການດັ່ງກ່າວໃນປີ 2023 ຢ່າງແນ່ນອນ.
