ຈີນປະກາດຂຶ້ນລາຄານ້ຳມັນແອັດຊັງ-ກາຊວນ ມີຜົນວັນທີ 8 ພະຈິກ 2022

ຄະນະກຳມະການພັດທະນາ ແລະ ປະຕິຮູບແຫ່ງຊາດຈີນ (NDRC) ປະກາດໃນວັນທີ 7 ພະຈິກວ່າ: ຈີນຈະປັບຂຶ້ນລາຄາຂາຍນ້ຳມັນແອັດຊັງ ແລະ ກາຊວນ ໂດຍມີຜົນບັງຄັບໃຊ້ໃນວັນທີ 8 ພະຈິກນີ້ ຕາມການປັບຕົວຂອງລາຄານ້ຳມັນດິບໃນຕະຫລາດໂລກ.

ທັງນີ້, ຈີນຈະປັບຂຶ້ນລາຄານ້ຳມັນແອັດຊັງ ແລະ ກາຊວນ 155 ຢວນ\ໂຕນ ແລະ 150 ຢວນ/ໂຕນ ຕາມລຳດັບໃນວັນທີ 8 ພະຈິກ.

NDRC ລະບຸວ່າ: ຈະຍັງເຝົ້າຕິດຕາມຜົນກະທົບຂອງກົນໄກລາຄາໃນປັດຈຸບັນ ແລະ ຈະປັບປຸງກົນໄກດັ່ງກ່າວໃຫ້ສອດຄ່ອງກັບການປ່ຽນແປງໃນຕະຫລາດໂລກ.

ພາຍໃຕ້ກົນໄກປັດຈຸບັນ, ຈີນຈະປັບລາຄານ້ຳມັນໃນກໍລະນີທີ່ມີການປ່ຽນແປງລາຄານ້ຳມັນດິບໃນຕະຫລາດໂລກ ເຊິ່ງເຮັດໃຫ້ລາຄານ້ຳມັນແອັດຊັງ ແລະ ກາຊວນຂອງຈີນປ່ຽນແປງຫລາຍກວ່າ 50 ຢວນ/ໂຕນ ເປັນເວລາ 10 ວັນ.