ແມນຢູ ພ້ອມຈ່າຍ 100 ລ້ານປອນ ຄວ້ານັກເຕະທີ່ເປັນເປົ້າຫມາຍຂອງລີເວີພູລເສີມແດນໜ້າ

Daily star ສື່ຊື່ດັງຂອງອັງກິດລາຍງານວ່າ ແມນເຊສເຕີ ຢູໄນເຕັດ ພ້ອມຍື່ນຂໍ້ສະເໜີ 100 ລ້ານປອນ ເພື່ອຄວ້າ ຈູດ ເບລລິງແຮມ ກອງກາງທີມຊາດອັງກິດ ໂບຣຣຸສເຊຍ ດອດມຸນ ມາສູ່ຖິ່ນໂອນ ແທຣ໊ຟຟອດ ໃນປີໜ້າ.

ສຳລັບ ແມນເຊສເຕີ ຢູໄນເຕັດ ນັ້ນໃຫ້ຄວາມສົນໃຈ ເບລລິງແຮມ ອາຍຸ 19 ປີ ມາດົນຫລາຍແລ້ວ ແລະ ເຄີຍພານັກເຕະມາຢ້ຽມ ສູນຝຶກຊ້ອມແຄຣິງຕັນ ແຕ່ຫລ້າສຸດນັກເຕະກໍເລືອກຍ້າຍຈາກ ເບີມິງແຮມ ຊິຕີ ໄປຢູ່ກັບ ດອດມຸນ ເມື່ອປີ 2020 ແນວໃດ ກໍຕາມລາຍງານຫລ້າສຸດຈາກສື່ດັງອັງກິດ ລະບຸວ່າ ແມນຢູ ຍັງຄົງຕິດຕາມເບິ່ງຜົນງານຂອງ ເບລລິງແຮມ ຢູ່ຕະຫລອດ ແລະ ເຫັນຈະແຈ້ງວ່ານັກເຕະຄົນນີ້ພັດທະນາສີຕີນຫລາຍຂຶ້ນເລື້້ອຍໆ ເຮັດໃຫ້ພວກເຂົາພ້ອມພິຈາລະນາຍື່ນຂໍ້ສະເໜີ 100 ລ້ານປອນ ເພື່ອຄວ້າ ເບລລິງແຮມ ແຂ່ງກັບ ຣຽວ ມາດຣິດ ແລະ ລີເວີພູລ ໃນປີໜ້າ.

ທັງນີ້ ເບລລິງແຮມ ລົງຫລິ້ນໃຫ້ ດອດມຸນ ໄປແລ້ວ 19 ນັດລວມທຸກລາຍການໃນລະດູການນີ້ ຍິງໄປ 9 ປະຕູ ກັບອີກ 2 ແອສຊິສ.