ທຳລາຍສິນຄ້າຮຽນແບບ ແລະ ສິນຄ້າໝົດອາຍຸ ທີ່ໄດ້ລົງເຄື່ອນໄຫວກວດກາຢູ່ຕະຫຼາດເທສະບານແຂວງ
November 3, 2022 - 1:13 PM
ວັນທີ 2 ພະຈິກ 2022 ນີ້ ອຸດສາຫະກຳ ແລະ ການຄ້າ ແຂວງອຸດົມໄຊ ໄດ້ທຳລາຍສິນຄ້າຮຽນແບບ ແລະ ສິນຄ້າທີ່ໝົດອາຍຸ ຫຼາຍລາຍການທີ່ກວດພົບຢູ່ສອງຕະຫຼາດໃນເທສະບານແຂວງອຸດົມໄຊ ໂດຍການເຂົ້າຮ່ວມຂອງ ທ່ານນາງ ໄມພອນ ສີລິວົງ ຮອງຫົວໜ້າພະແນກ ອຸດສາຫະກຳ ແລະ ການຄ້າ ແຂວງອຸດົມໄຊ.
ສິນຄ້າ ແລະ ອາຫານ ທີ່ໝົດອາຍຸ ທີ່ນຳມາທຳລາຍໃນຄັ້ງນີ້ ແມ່ນການລົງກວດກາຂອງເຈົ້າໜ້າທີ່ ໄດ້ ລົງກວດກາຢູ່ ສອງຕະຫຼາດເທດສະບານແຂວງ ຄື ຕະຫຼາດໜອງແມງດາ ແລະ ຕະຫຼາດວັງໄຮ ຈຳນວນ ຫຼາຍຮ້ານ ທີ່ໄດ້ກວດພົບ ພ້ອມທັງຍຶດປະເພດອາຫານແຊ່ແຂງ ທີ່ໝົດອາຍຸ ຫຼາຍລາຍການຄື:
ຮ໋ອດດອກ ສີ້ນສ່ວນຊີ້ນໄກ່ ເຄື່ອງໃນໄກ່, ຕີນໄກ່, ຕີນໝູ, ຊີ້ນໝູແຊ່ແຂງ, ຊີ້ນສົມ, ເຂົ້າໜົມ, ແປ້ງນົວ, ນົມ ແລະ ອື່ນໆລວມມູນຄ່າ 11,963,000 ກີບ.
ແຫຼ່ງຂ່າວ-ພາບ: ສະຖານີ ວິທະຍຸແລະໂທລະພາບ ແຂວງອຸດົມໄຊ
