ຊົມປູສະນີຍະຖານພ້ອມກັບກາບໄຫ້ວ “ວັດປ່າຖ້ຳຄອກມ້າ”
ວັດປ່າຖ້ຳຄອກມ້າ ຕັ້ງຢູ່ບ້ານຫ້ວຍຫ້ອມ ເມືອງສີໂຄດຕະບອງ ນະຄອນຫລວງ ວຽງຈັນ ເສັ້ນທາງ ເລກທີ 11B ຈາກເກົ້າລ້ຽວລຽບຕາມແຄມແມ່ນໍ້າຂອງຢູ່ລະຫວ່າງກິໂລແມັດທີ 20 ເຊິ່ງ ຫ່າງຈາກວັດຖໍ້າພະໄປປະມານ 2 ກິໂລແມັດ ເວລາໄປແມ່ນເບື້ອງຂວາມືຊ້າຍສວຍກັບວັດຖໍ້າພະ ເຊິ່ງນັກທ່ອງທ່ຽວສາມາດ ເດີນທາງຈາກທາງໃຫຍ່ເຂົ້າໄປ ຫາຖໍ້າຄອກມ້າດ້ວຍການ ຍ່າງເລາະ ປ່າໃນໄລຍະທາງປະມານ 1 ກິໂລແມັດ, ພ້ອມທັງໄດ້ຊົມຄວາມສວຍສົດງົດງາມຂອງທິວທັດທໍາມະຊາດເຂດນັ້ນອັນເຕັມໄປ ດ້ວຍປ່າໄມ້ທີ່ຂຽວງາມ ແລະ ດົກໜາທີ່ປົກຄຸມຫຸ້ມ ຫໍ່ທັງ ສອງຟາກທາງເຮັດໃຫ້ອາກາດມີຄວາມຊຸ່ມເຢັນດີ.
+ 18 ພາບຕົ້ນໄມ້ແປກໆທີ່ອາຍຸຢືນທີ່ສຸດ
+ ກາບໄຫ້ວພະທອງສາມສີຊົມຊາກເຮືອບູຮານທີ່ບ້ານຫລີ່ງຊັນ
+ ຂີ່ເຮືອຊົມວິວທີ່ວັງວຽງໃຜເຫັນແລ້ວກໍ່ຫລົງສະເໜ່
ວັດປ່າຖໍ້າຄອກມ້າ ເປັນວັດປ່າທີ່ສະຫງົບງຽບ ແລະ ຮົ່ມເຢັນດີ ແລະ ມີຄວາມສວຍສົດງົດງາມດ້ວຍຜົນງານສິລະປະກໍາຂອງນັກຈິດຕະກອນທີ່ມີຄວາມຄິດ ສ້າງສັນໃນການຫຼໍ່ຮູບປັ້ນ ທີ່ມີຮູບລັກສະນະຕ່າງໆ ລຽນຢາຍໄປທົ່ວບໍລິເວນວັດ ເປັນຕົ້ນແມ່ນຮູບປັ້ນຂອງພະສັງກະຈາຍສີທອງອົງໃຫຍ່ທີ່ຕັ້ງສະຫງ່າຢູ່ກາງວັດ, ມີພະພຸດທະຮູບປາງຕ່າງໆເຊິ່ງລວມທັງຮູບປັ້ນ ຂອງໂຕມ້າ ທີ່ເປັນສັນຍາລັກຂອງວັດແຫ່ງນີ້ກໍຄືທີ່ມາ ຂອງຊື່ວັດນັ້ນເອງ.
ນອກຈາກນັ້ນ, ທ່ານຍັງສາມາດຊົມທັດສະນີ ຍະພາບສວຍສົດງົດງາມຂອງສາຍແມ່ນໍ້າຂອງ ແລະ ສາມາດຖ່າຍຮູບເກັບພາບໄວ້ເພື່ອເປັນທີ່ລະນຶກອີກດ້ວຍ.
