ອີລອນ ມັສ ປະກາດເກັບເງິນຄ່າຢືນຢັນຕົວຕົນຂອງຜູ້ໃຊ້ທະວິດເຕີ 300 ບາດຕໍ່ເດືອນ

ວັນທີ 1 ພະຈິກ 2022 ນີ້ ອີລອນ ມັສ ໄດ້ອອກມາເປີດເຜີຍເພີ່ມເຕີມວ່າ: ບັນຊີຜູ້ໃຊ້ງານທີ່ມີການຢືນຢັນຕົວຕົນ ຈະຕ້ອງຈ່າຍເງິນ 8 ໂດລາສະຫະລັດ ຫລື ປະມານ 300 ບາດຕໍ່ເດືອນ

ຫລັງຈາກທີ່ ອີລອນ ມັສ ມະຫາເສດຖີໄດ້ສັ່ງປົດຜູ້ບໍລິຫານຂອງທະວິດເຕີ ພ້ອມທັງບໍລິຫານບໍລິສັດເອງຢ່າງເປັນທາງການ ໃນວັນທີ 27 ຕຸລາ ທີ່ຜ່ານມາ ໂດຍເນື້ອຫາທີ່ລະບຸໃນເອກະສານຂອງທະວິດເຕີ ທີ່ຢືນຢັນຕໍ່ສຳນັກງານຄະນະກຳມະການກຳກັບຫລັກຊັບ ແລະ ຕະຫລາດສະຫະລັດ ລະບຸວ່າ: ຄະນະກຳມະການບໍລິຫານຊຸດເກົ່າ ບໍ່ໄດ້ມີບົດບາດເປັນຜູ້ອຳນວຍການທະວິດເຕີອີກຕໍ່ໄປ ຕາມເງື່ອນໄຂຂໍ້ຕົກລົງການຄວບລວມກິດຈະການ.

ໂດຍຄ່າໃຊ້ຈ່າຍຈະປັບໄປຕາມແຕ່ລະປະເທດ ສຳຫລັບຄ່າທຳນຽມລາຍເດືອນໃໝ່ ຜູ້ໃຊ້ຈະໄດ້ຮັບລຳດັບຄວາມສຳຄັນກ່ອນໃນການຕອບກັບ, ການກ່າວເຖິງ ແລະ ການຄົ້ນຫາ ລວມເຖິງການໂພສ ວິດີໂອ ແລະ ຄຣິບສຽງທີ່ຍາວໄດ້ຫລາຍຂຶ້ນ.