ອິນເດຍຄວບຄຸມຜູ້ຖືກສົງໄສ 9 ຄົນ ອາດກ່ຽວຂ້ອງເຫດຂົວແຂວນຖະຫລົ່ມ ມີຜູ້ເສຍຊີວິດແລ້ວຢ່າງໜ້ອຍ 141 ຄົນ

November 2, 2022 - 12:23 AM
- PTI10 31 2022 000024A - ອິນເດຍຄວບຄຸມຜູ້ຖືກສົງໄສ 9 ຄົນ ອາດກ່ຽວຂ້ອງເຫດຂົວແຂວນຖະຫລົ່ມ ມີຜູ້ເສຍຊີວິດແລ້ວຢ່າງໜ້ອຍ 141 ຄົນ
- kitchen vibe - ອິນເດຍຄວບຄຸມຜູ້ຖືກສົງໄສ 9 ຄົນ ອາດກ່ຽວຂ້ອງເຫດຂົວແຂວນຖະຫລົ່ມ ມີຜູ້ເສຍຊີວິດແລ້ວຢ່າງໜ້ອຍ 141 ຄົນ

ວັນທີ 31 ຕຸລາ 2022, ເຈົ້າໜ້າທີ່ຕຳຫລວດໃນລັດຄຸຊະຣາດຂອງອິນເດຍຄວບຄຸມຜູ້ຖືກສົງໄສ 9 ຄົນ ທີ່ອາດກ່ຽວຂ້ອງກັບເຫດຂົວແຂວນຂ້າມແມ່ນ້ຳມັສສຸໃນເມືອງໂມຣພີຖະຫລົ່ມ ໂດຍທັງໝົດລ້ວນເປັນລູກຈ້າງຂອງບໍລິສັດ Oreva ທີ່ຮັບຜິດຊອບວຽກສ້ອມແປງບຳລຸງຂົວຄັ້ງຫລ້າສຸດ ກ່ອນຈະກັບມາເປີດໃຫ້ບໍລິການອີກ ແລະ ເກີດໂສກນາດຕະກຳໃນທີ່ສຸດ, ເບື້ອງຕົ້ນມີຜູ້ເສຍຊີວິດແລ້ວຢ່າງໜ້ອຍ 141 ຄົນ.

ຜູ້ຖືກສົງໄສທັງ 9 ຄົນ ໃນຈຳນວນນີ້ 2 ຄົນເຮັດໜ້າທີ່ຜູ້ຈັດການ, ອີກ 2 ຄົນເຮັດໜ້າທີ່ເປັນພະນັກງານຈັດການຈອງປີ້ ແລະ ອີກ 5 ຄົນທີ່ເຫລືອ ບາງຄົນເຮັດໜ້າທີ່ກ່ຽວຂ້ອງກັບວຽກເບິ່ງແຍງການສ້ອມແປງຂົວ ລວມທັງເຈົ້າໜ້າທີ່ຮັກສາຄວາມປອດໄພບໍລິເວນຂົວ ເຊິ່ງທັງໝົດລ້ວນຖືກຈ້າງວຽກໂດຍບໍລິສັດ Oreva.

- Visit Laos Visit SALANA BOUTIQUE HOTEL - ອິນເດຍຄວບຄຸມຜູ້ຖືກສົງໄສ 9 ຄົນ ອາດກ່ຽວຂ້ອງເຫດຂົວແຂວນຖະຫລົ່ມ ມີຜູ້ເສຍຊີວິດແລ້ວຢ່າງໜ້ອຍ 141 ຄົນ

ຫລັງຈາກຊື່ບໍລິສັດໄດ້ຮັບການລາຍງານໃນຂ່າວເປັນວົງກວ້າງ ຄົນຈຳນວນບໍ່ໜ້ອຍໃນອິນເດຍຕ່າງຕັ້ງຄຳຖາມວ່າ: ເປັນຫຍັງບໍລິສັດ Oreva ຄັ້ງໜຶ່ງເຄີຍອ້າງວ່າ: ຕົນເປັນໜຶ່ງໃນບໍລິສັດຜູ້ຜະລິດໂມງໃຫຍ່ທີ່ສຸດໃນໂລກ ກ່ອນຈະຫັນມາບຸກຕະຫລາດເຄື່ອງໃຊ້ໄຟຟ້າພາຍໃນເຮືອນ ລວມທັງລົດຈັກໄຟຟ້າ ຈະກາຍເປັນບໍລິສັດທີ່ເຂົ້າມາຮັບສ້ອມແປງຂົວແຂວນແຫ່ງນີ້ ເຮັດໃຫ້ຄົນຍິ່ງສະແດງຄວາມກັງວົນວ່າ: ບໍລິສັດໄດ້ກວດສອບຄວາມປອດໄພພາຍຫລັງສ້ອມແປງ ກ່ອນຈະກັບມາເປີດໃຫ້ບໍລິການຂົວແຫ່ງນີ້ ຫລື ບໍ່.

ໂສກນາດຕະກຳຄັ້ງນີ້ເກີດຂຶ້ນຫລັງຈາກຂົວກັບມາເປີດໃຫ້ບໍລິການອີກ ພາຍຫລັງສ້ອມແປງພຽງບໍ່ເທົ່າໃດວັນ, ຄາດວ່າອາດມີປະຊາຊົນເຖິງ 400 ຄົນຢູ່ເທິງຂົວໃນໄລຍະເວລາດັ່ງກ່າວ ໂດຍທີມເຈົ້າໜ້າທີ່ກູ້ໄພ ແລະ ອາສາສະໝັກຕ່າງເລັ່ງຄົ້ນຫາຜູ້ລອດຊີວິດຢ່າງຕໍ່ເນື່ອງ, ຫລ້າສຸດມີຜູ້ປະສົບເຫດກວ່າ 177 ຄົນໄດ້ຮັບການຊ່ວຍເຫລືອແລ້ວ.

ຂົວແຂວນແຫ່ງນີ້ຖືເປັນໜຶ່ງໃນສະຖານທີ່ທ່ອງທ່ຽວຍອດນິຍົມຂອງເມືອງໂມຣພີໃນັດຄຸຊະຣາດ ເຊິ່ງໄດ້ຮັບຄວາມນິຍົມຫລາຍ ໂດຍສະເພາະໃນເທດສະການ ແລະ ມື້ພັກຕ່າງໆ.

ທາງການທ້ອງຖິ່ນເຄີຍສັນນິຖານວ່າ: ເຫດຂົວຖະຫລົ່ມອາດເກີດຈາກການສັນຈອນໄປມາຢ່າງໜາແໜ້ນໃນໄລຍະເວລານີ້ ເຊິ່ງກົງກັບໄລຍະໃກ້ສິ້ນສຸດມື້ພັກຍາວຂອງເທດສະການດິວາລີ. ເຖິງຢ່າງໃດກໍຕາມ, ເວລານີ້ທາງການຕັ້ງບັນຫາມາສືບສວນສອບສວນເຖິງຄວາມເປັນໄປໄດ້ທີ່ອາດຈະເກີດຈາກຄວາມຜິດພາດຂອງບໍລິສັດສ້ອມແປງ Oreva.

ອ້າງອີງ:

- 5 - ອິນເດຍຄວບຄຸມຜູ້ຖືກສົງໄສ 9 ຄົນ ອາດກ່ຽວຂ້ອງເຫດຂົວແຂວນຖະຫລົ່ມ ມີຜູ້ເສຍຊີວິດແລ້ວຢ່າງໜ້ອຍ 141 ຄົນ
- 4 - ອິນເດຍຄວບຄຸມຜູ້ຖືກສົງໄສ 9 ຄົນ ອາດກ່ຽວຂ້ອງເຫດຂົວແຂວນຖະຫລົ່ມ ມີຜູ້ເສຍຊີວິດແລ້ວຢ່າງໜ້ອຍ 141 ຄົນ
- 3 - ອິນເດຍຄວບຄຸມຜູ້ຖືກສົງໄສ 9 ຄົນ ອາດກ່ຽວຂ້ອງເຫດຂົວແຂວນຖະຫລົ່ມ ມີຜູ້ເສຍຊີວິດແລ້ວຢ່າງໜ້ອຍ 141 ຄົນ

Your Might Also Like