ເກີດເຫດ ຂົວພັງຖະຫລົ່ມລົງສູ່ແມ່ນ້ຳ ທີ່ປະເທດອິນເດຍ ເຮັດໃຫ້ມີຜູ້ເສຍຊີວິດ ຢ່າງໜ້ອຍ 132 ຄົນ

ສຳນັກຂ່າວ ຮອຍເຕີ ລາຍງານວ່າ: ເວລາ 18:40 ນາທີ ຂອງວັນທີ 30 ຕຸລາ ທີ່ຜ່ານມາ ເກີດເຫດຂົວອູ່ ພັງຖະຫລົ່ມລົງສູ່ແມ່ນ້ຳມັສຈຸ ໃນລັດຄຸຊະຣາດ ພາກຕາເວັນຕົກຂອງອິນເດຍ ໂດຍຂະນະທີ່ເກີດເຫດມີປະຊາຊົນ ກວ່າ 400 ຄົນທີ່ກຳລັງສັນຈອນໄປ-ມາຢູ່ເທິງຂົວດັ່ງກ່າວ , ເຫດການຄັ້ງນີ້ເຮັດໃຫ້ມີຜູ້ເສຍຊີວິດ ຢ່າງໜ້ອຍ 132 ຄົນ ກູ້ໄພຊ່ວຍເຫລືອໄວ້ໄດ້ ກວ່າ 177 ຄົນ, ມີຜູ້ບາດເຈັບ ຫລາຍສິບຄົນ ສ່ວນສາເຫດເຈົ້າໜ້າທີ່ກຳລັງເລັ່ງສືບສວນສອບສວນ.

ຂົວດັ່ງກ່າວມີຄວາມຍາວ 230 ແມັດ ຖືກສ້າງຂຶ້ນໃນໄລຍະທີ່ອັງກິດປົກຄອງ ອິນເດຍ ໃນທົດສະວັດທີ 19 ແລະ ຖືກປິດສ້ອມແປງໄປ 6 ເດືອນ ກ່ອນທີ່ຈະກັບມາເປີດໃຊ້ງານໃນອາທິດທີ່ຜ່ານມາ.

ເຫດການດັ່ງກ່າວຖືວ່າເປັນເຫດໂສກນາດຕະກຳອີກເຫດການໜຶ່ງທີ່ມີຄົນເສຍຊີວິດຈຳນວນຫລາຍຕໍ່ຈາກເຫດການວັນຮາໂລວິນ ອິແທວອນ ທີ່ມີຜູ້ເສຍຊີວິດຫລາຍກວ່າຮ້ອຍ.

ຂໍສະແດງຄວາມເສຍໃຈຕໍ່ເຫດການໂສກນາດຕະກຳທັງສອງເຫດການດ້ວຍ.