ຈຳນວນຜູ້ເສຍຊີວິດເພີ່ມຂຶ້ນ 151 ຄົນ ຈາກເຫດການໂສກນາດຕະກຳ ທີ່ງານສະຫລອງວັນຮາໂລວີນ ຢູ່ ນະຄອນຫລວງ ເຊອູນ

ສຳນັກຂ່າວຢອນຮັບ(Yonhap) ຂອງ ສ ເກົາຫລີ ລາຍງານໃຫ້ຮູ້ວ່າ: ມາຮອດວັນທີ 30 ຕຸລາ 2022 ມີຈຳນວນຜູ້ເສຍຊີວິດຈາກເຫດການສະຫລອງວັນຮາໂລວີນ ເພີ່ມຂຶ້ນ 154 ຄົນ,  ໃນນັ້ນເປັນຄົນຕ່າງປະເທດ 19 ຄົນ; ບາດເຈັບ 133 ຄົນ ແລະ ຄາດວ່າຈຳນວນຜູ້ເສຍຊີວິດອາດຈະເພີ່ມຂຶ້ນອີກ.

ງານຮາໂລວີນ ຈັດຂຶ້ນທີ່ເຂດອີແຕວອນ ເມືືອງ ຢົງຊານ ນະຄອນຫລວງ ເຊອູນ ໃນຄືນວັນທີ 29 ຕຸລາ ທີ່ຜ່ານມາ ສ່ວນຫລາຍແມ່ນໄວໜຸ່ມ ອາຍຸລະຫວ່າງ 20 ກວ່າປີ. ໂດຍຕຳຫລວດຄາດວ່າມີປະຊາຊົນປະມານ 100,000 ຄົນ ທີ່ເຂົ້າຮ່ວມງານສະເຫລີມສະຫລອງວັນຮາໂລວີນ.