ສູນການຄ້າວຽງຈັນເຊັນເຕີຈັດບໍລິຈາກເລືອດຊ່ວຍສັງຄົມ

ເຊົ້າວັນທີ 28 ມີນານີ້, ສູນການຄ້າວຽງຈັນເຊັນເຕີ ຮ່ວມກັບ ອົງການກາແດງລາວ ແລະ ມູນນິທິຊ່ວຍເຫລືອຄົນທຸກ ຍາກແຫ່ງ ສປປ ລາວ 1623, ໄດ້ຈັດກິດຈະກຳເພື່ອຊ່ວຍເຫລືອສັງຄົມ, ຂຶ້ນທີ່ສູນການຄ້າວຽງ ຈັນເຊັນເຕີ, ນະຄອນຫລວງ ວຽງຈັນ, ເພື່ອເປັນກິດຈະກຳໜຶ່ງ ສະເຫລີມສະຫລອງວັນສ້າງຕັ້ງສູນການຄ້າດັ່ງກ່າວ ຄົບຮອບ 2 ປີ, ໂດຍການເຂົ້າຮ່ວມ ຂອງຮອງ ອຳນວຍການບໍລິສັດພັດທະນາ ສູນເສດຖະກິດການຄ້າຄົບວົງ ຈອນໜອງຈັນເໜືອຈຳກັດ, ຜູ້ອຳ ນວຍການວຽງຈັນເຊັນເຕີ, ປະ ທານມູນນິທິຊ່ວຍເຫລືອຄົນທຸກ ຍາກແຫ່ງ ສປປ ລາວ 1623, ຮອງປະທານອົງການກາແດງ ລາວ ແລະ ພາກສ່ວນກ່ຽວຂ້ອງ ອື່ນໆເຂົ້າຮ່ວມເປັນຈຳນວນ ຫລາຍ.

ກິດຈະກຳດັ່ງກ່າວ ຈັດຂຶ້ນ ພາຍໃຕ້ຫົວຂໍ້: “ໃຈອາສາບໍລິ ຈາກເລືອດເທົ່າກັບໃຫ້”  ພາຍໃນ ງານໄດ້ຈັດໃຫ້ມີການບໍລິຈາກ ເລືອດຂອງມວນຊົນ ແລະ ສັງ ຄົມຢ່າງຄຶກຄື້ນ ເພື່ອນຳເອົາ ເລືອດທີ່ໄດ້ນັ້ນໄປຊ່ວຍເຫລືອ ຜູ້ປ່ວຍທີ່ຂາດແຄນເລືອດຢູ່ຕາມໂຮງໝໍຕ່າງໆ, ພ້ອມທັງຈັດໃຫ້ ມີການມອບທຶນການສຶກສາໃຫ້ນ້ອງນັກຮຽນຜູ້ທີ່ຂາດແຄນ ທາງດ້ານວັດຖຸປັດໃຈ, ເພື່ອມີ ທຶນຮອນນຳໃຊ້ເຂົ້າໃນການ ຮ່ຳຮຽນ, ພາຍໃຕ້ໂຄງການ: “1 ທຶນ 1 ໂອກາດ ປັນນ້ຳໃຈໃຫ້ ນ້ອງ”, ຊຶ່ງມີຜູ້ປະກອບການ, ພະນັກງານພາຍໃນສູນການ ຄ້າວຽງຈັນເຊັນເຕີ ແລະ ນັກ ທຸລະກິດພາຍໃນນະຄອນ ຫລວງວຽງຈັນ, ໄດ້ພ້ອມກັນ ຮ່ວມ ແຮງຮ່ວມໃຈປະກອບ ສ່ວນໃຫ້ທຶນແກ່ນ້ອງໆນັກຮຽນເປັນຈຳນວນຫລວງຫລາຍ.