ຟານ ໄດ ພາລີເວີພູລເສຍຄາຖິ່ນໃນພຣີເມຍລີກຄັ້ງທຳອິດໃນຮອບ 4 ປີ

ຄວັນຫລົງຈາກພຣີເມຍລີກ ອັງກິດ ເມື່ອຄືນວັນເສົາທີ່ຜ່ານມາ ເຊິ່ງ ລີເວີພູລ ເປີດສະໜາມແອນຟິລ ພາດທ່າເສຍໃຫ້ ລີດ ຢູໄນເຕັດ ໄປ 1-2 ເຮັດໃຫ້ມີ 16 ຄະແນນຄືເກ່ົາ ຄອງອັນດັບ 9 ຂອງຕາຕະລາງ.

ຈາກຜົນການແຂ່ງຂັນດ່ັງກ່າວເຮັດໃຫ້ ເຟີຈິລ ຟານ ໄດ ກອງຫລັງຊາວເນເທີແລນ ຢຸດສະຖິຕິບໍ່ເສຍໃນຖິ່ນແອນຟິລໄວ້ທີ່ 70 ນັດ (ຊະນະ 59 ສະເຫມີ 11) ໂດຍລາວພາທີມເສຍໃນເກມພຣີເມຍລີກເປັນຄັ້ງທຳອິດໃນແອນຟິລ ນັບຕັ້ງແຕ່ຍ້າຍມາຮ່ວມທີມ ລີເວີພູລ ໃນເດືອນມັງກອນ 2018 ເຊິ່ງນັບເປັນເວລາ 4 ປີເຄິ່ງ.

ນອກຈາກນີ້ ຄວາມປະລາໄຊດັ່ງກ່າວຍັງເຮັດໃຫ້ລີເວີພູລ ຢຸດສະຖິຕິບໍ່ເສຍໃຫ້ໃຜໃນແອນຟິລ ໃນເກມພຣີເມຍລີກ ອັງກິດ ເອົາໄວ້ທີ່ 30 ນັດ ໂດຍນັດຫລ້າສຸດທີ່ລີເວີພູລເສຍຄາບ້ານໃນເກມລີກຢ້ອນໄປໃນເກມທີ່ເສຍໃຫ້ ຟູແລມ 0-1 ເມື່ອວັນທີ 7 ມີນາ 2021.