ໂຣນັລໂດ ລະບາຍຄວາມໃນໃຈ ການກັບຄືນແມນຢູຄືຫາຍະນະ ພ້ອມບອກ 4 ປັດໄຈທີ່ໜ້າຜິດຫວັງ

The Sun ສື່ຊື່ດັງຂອງອັງກິດເປີດເຜີຍຂໍ້ມູນບາງສ່ວນຈາກຫນັງສືເຫລັ້ມໃຫມ່ ຊື່ວ່າ : “ Messi vs Ronaldo : One Rivalry, Two GOATs, and the Era That Remade the world’s Game ” ເຊິ່ງມີກຳນົດວາງແຜນໃນເດືອນພະຈິກນີ້ ໂດຍລະບຸເຖິງຄວາມບໍ່ພໍ ໃຈຂອງ ຄຣິສຕຽນໂນ ໂຣນັລໂດ ຫລັງຍ້າຍຈາກ ຢູເວນຕຸສ ກັບມາຮ່ວມງານກັບ ແມນເຊສເຕີ ຢູໄນເຕັດ ເປັນຄັ້ງທີ 2 ເມື່ອລະດຸການທີ່່ຜ່ານມາ.

ໂດຍສື່ດັ່ງກ່າວໄດ້ລະບຸວ່າ : ຫນັງສືເຫລັ້ມນີ້ໄດ້ຮວບຮວມເລື່ອງລາວຄວາມສຳເລັດໃນຊີວິດຂອງນັກເຕະຍອດດາວ ຍິງທີມຊາດໂປຣຕຸເກສ ອາຍຸ 37 ປີ ເຈົ້າຂອງລາງວັນບັງລັງດໍ5 ສະໄຫມ ພ້ອມເຈາະຈົງເຖິງ 4 ເລື່ອງທີ່ລາວຜິດຫວັງ ໃນການຍ້າຍກັບມາຍັງພຣີເມຍລີກອີກເທື່ອຫນຶ່ງກັບແມນຢູດັ່ງນີ້.

1. ບໍ່ມີຄວາມສຸກກາຍພາຍໃຕ້ການເຮັດທີມຂອງ ຣາຟ ຣັງນິກ ຜູ້ຈັດການທີມຊ່ົວຄາວຄົນກ່ອນ ໂດຍມີການ ສາລະພາບກັບຜູ້ບໍລິຫານລະດັບສູງລະຫວ່າງງານຂອງຟີຟາ ໃນອັງກິດວ່າ : “ ນີ້ຄືຫາຍະນະ ”.
2. ຜິດຫວັງກັບການທີ່ແມນຢູ ຂາດການລົງທຶນໃນດ້ານສິ່ງອຳນວຍຄວາມສະດວກທີ່ສູນຝຶກແຄຣິງຕັນ.
3. ບໍ່ພໍໃຈທີ່ ແມນຢູ ບໍ່ມີການປະຕິຮູບສະໂມສອນນັບຕັ້ງແຕ່ລາວຍ້າຍໄປ ຣຽວ ມາດຣິດ ໃນປີ 2009.
4. ຕົກໃຈກັບເລື່ອງທີ່ມີນັກເຕະບໍ່ເທົ່າໃດຄົນໃນທີມ ທີ່ມີຄວາມມຸ່ງຫມັ້ນໃນການຮັກສາສະພາບຮ່າງກາຍ ໃຫ້ຢູ່ໃນລະດັບສູງສຸດເຊ່ັນດຽວກັບລາວ.

ສຳລັບ ໂຣນັລໂດ ສາມາດຍິງປະຕູໄດ້ເຖິງ 27 ປະຕູ ຈາກການລົງສະໜາມ 51 ນັດລວມທຸກລາຍການໃຫ້ແມນຢູ ນັບຕັ້ງແຕ່ຍ້າຍມາຈາກ ຢູເວນຕຸສ ເມື່ອເດືອນສິງຫາ ປີ 2021 ແຕ່ລະດູການນີ້ຍັງຍຶດຕຳແໜ໋ງ 11 ຕົວຈິງບໍ່ໄດ້ພາຍໃຕ້ການຄຸມທີມຂອງ ເອຣິກ ເທນ ຮາກ ແລະຍັງມີບັນຫາດ້ວຍການບໍ່ຍອມລົງເປັນຕົວສຳຮອງໃນເກມຊະນະ ສະເປີ ອາທິດກ່ອນ ຈົນຖືກຕັດຊື່ 1 ນັດໃນເກມພົບ ເຊລຊີ ກ່ອນໄດ້ຮັບອະນຸຍາດໃຫ້ກັບມາສູ່ທີມໃນເກມຢູໂຣປາລີ ນັດຫລ້າສຸດ ທີ່ຊະນະ ເຊີຣີບ ຕີຣາສໂພລ 3-0 ທ່າມກາງກະແສຂ່າວລືວ່າຈະຍ້າຍທີມທີ່ມີມາຕັ້ງແຕ່ໄລຍະລະດູການ.