ໄທ ພົບເຈົ້າໜ້າທີ່ລັດ ຂາຍຂໍ້ມູນສ່ວນບຸກຄົນໃຫ້ ແກ໊ງຄໍເຊັນເຕີ

ສຳນັກຂ່າວໄທ ຊ່ອງ 3 ລາຍງານໃຫ້ຮູ້ວ່າ: ໃນວັນທີ 28 ຕຸລາ 2022 ທີ່ຜ່ານມາ ພົນຕຳຫລວດເອກ ຕໍ່ສັກສິດ ສຸກວິມົນ ຮອງຜູ້ບັນຊາການຕຳຫລວດແຫ່ງຊາດ ລາຍງານເຖິງກໍລະນີທີ່ມີເຈົ້າໜ້າທີ່ລັດ ນຳຂໍ້ມູນສ່ວນບຸກຄົນໄປຂາຍໃຫ້ແກ໊ງຄໍເຊັນເຕີ ວ່າ: ສືບເນື່ອງຈາກກໍລະນີມີທ່ານໝໍຢູ ຈັງຫວັດຊຽງໃໝ່ ຖືກຕວົະເສຍເງິນຫລາຍກວ່າລ້ານບາດ ເຊິ່ງສືບຮູ້ມາວ່າແກ໊ງຄໍເຊັນເຕີ ໄດ້ຖານຂໍ້ມູນຈາກເຈົ້າໜ້າທີ່ລັດ 2 ໜ່ວຍງານ ຄື: ຕຳຫລວດຊັ້ນ ພັນໂທ ແລະ ພະນັກງານຢູ່ກະຊວງພານິດ 1ຄົນ.
ເຊິ່ງເຈົ້າໜ້າທີ່ໄດ້ທຳການສືບສວນສອບສວນຈາກລະບົບບັນທຶກການເຂົ້າເຖິງຂໍ້ມູນ ພົບວ່າມີເຈົ້າໜ້າທີ່ບາງຄົນກົດເຂົ້າລະບົບຜິດປົກກະຕິ ແລະ ພົບວ່າມີເສັ້ນທາງການເງິນເຊື່ອມໂຍງກັບແກ໊ງຄໍເຊັນເຕີ ໄດ້ຮັບເງິນໂອນຈາກການຂາຍຂໍ້ມູນ 20,000 ບາດຕໍ່ມື້, ສະເລ່ຍຖືກເດືອນລະ 600,000 ບາດ.
ປັດຈຸບັນຜູ້ຕ້ອງຫາທີ່ເປັນເຈົ້າໜ້າທີ່ລັດຖືກຈັບກຸມ ແລະ ຢູ່ໃນການຄວບຄຸມຂອງພະນັກງານສອບສວນ, ເຊິ່ງຢູ່ໃນຂັ້ນຕອນສອບສວນເພີ່ມເຕີມເຖິງແຮງຈູງໃຈລວມໄປເຖິງທີ່ມາຄວາມສຳພັນກັບແກ໊ງຄໍເຊັນເຕີ.
ພົນຕຳຫລວດເອກ ຕໍ່ສັກສິດ ລາຍງານຕື່ມວ່າ: ໃນເດືອນຕົ້ນເດືອນຕຸລາຜ່ານມາ ສາມາດຈັບກຸ່ມແກ໊ງຄໍເຊັນເຕີໄດ້ 16ຄົນ, ເຈົ້າຂອງບັນຊີ 8ຄົນ, ຜູ້ລວມບັນຊີສົ່ງໃຫ້ນາຍທຶນຊາວຈີນ 1ຄົນ.