ພາຍຸເຂດຮ້ອນ “ນັລແກ” ຖະຫລົ່ມເກາະມິນດາເນົາຂອງຟີລິບປິນ ເສຍຊີວິດແລ້ວ 31 ຄົນ
October 28, 2022 - 10:42 PM
ມີຜູ້ເສຍຊີວິດແລ້ວ 31 ຄົນ ຈາກອິດທິພົນຂອງພາຍຸເຂດຮ້ອນ “ນັລແກ” ເຊິ່ງສ້າງຄວາມເສຍຫາຍໃຫ້ເກາະມິນດາເນົາຂອງຟີລິບປິນ.
ວັນທີ 28 ຕຸລາ 2022, ສຳນັກຂ່າວຕ່າງປະເທດລາຍງານວ່າ: ທາງການເຂດປົກຄອງຕົນເອງບັງຊາໂມໂຣ ໃນເກາະມິນດາເນົາ ຢູ່ທາງຕອນໃຕ້ຂອງຟີລິບປິນ ລາຍງານການພົບຜູ້ເສຍຊີວິດແລ້ວຢ່າງໜ້ອຍ 31 ຄົນ ຈາກອິດທິພົນຂອງພາຍຸເຂດຮ້ອນ “ນັລແກ” ເຊິ່ງສົ່ງຜົນໃຫ້ເກີດນ້ຳຖ້ວມກະທັນຫັນ ແລະ ດິນເຈື່ອນໃນຫລາຍພື້ນທີ່.
ທັງນີ້, ຟີລິບປິນຜະເຊີນອິດທິພົນຂອງໄຕ້ຝຸ່ນ “ໂນຣູ” ໃນເດືອນກັນຍາຜ່ານມາ ສົ່ງຜົນໃຫ້ມີຜູ້ເສຍຊີວິດຢ່າງໜ້ອຍ 12 ຄົນ ແລະ ຍັງສູນຫາຍອີກ 5 ຄົນ. ຂະນະທີ່ປະຊາຊົນຫລາຍກວ່າ 1 ລ້ານຄົນໄດ້ຮັບຄວາມເດືອດຮ້ອນ ຈາກຈຳນວນດັ່ງກ່າວປະມານ 260.000 ຄົນ ຕ້ອງອົບພະຍົບອອກຈາກບ່ອນຢູ່ອາໄສ.
