ປາຣີສ ເລັງຂະຫຍາຍສັນຍາກັບ ເມສຊີ່ ຫລັງສ້າງຜົນງານໄດ້ຢ່າງສຸດຍອດ

ເລີ ປາຣີຊຽງ ສື່ໃນຝຣັ່ງລາຍງານວ່າ ເປແອສເຊ ຕ້ອງການຈະຂະຫຍາຍສັນຍາກັບ ລີໂອເນລ ເມສຊີ ດາວດັງຊາວອາເຈນຕີນາ ອີກ 1 ປີ.

ເມສຊີ ອາຍຸ 35 ປີ ຍ້າຍມາຢູ່ກັບ ເປແອສເຊ ເມື່ອລະດູການຜ່ານມາ ຫລັງຈາກຫມົດສັນຍາກັບບາເຊໂລນາ ອະດີດຕົ້ນສັງກັດໃນ ລາ ລີກາ ສະເປນ.

ເຖິງວ່າໃນລະດູການທຳອິດລາວອາດຈະຍັງເຮັດຜົນງານໄດ້ບໍ່ເທົ່າກັບທີ່ຫລາຍຝ່າຍຄາດຄິດ ແຕ່ໃນລະດູການນີ້ນັກ ເຕະຊຸບ ເປີສະຕາລາຍນີ້ ເລີ່ມກັບມາສະແດງຜົນງານອັນຮ້ອນແຮງອີກເທື່ອຫນຶ່ງ.

ໂດຍທີ່ລາວຍິງໄປແລ້ວ 6 ປະຕູ ຈາກການລົງສະໜາມໃນເກມລີກ ເອິງ 11 ນັດ ແລະຍັງເຮັດແອສຊິສໃຫ້ຫມູ່ຮ່ວມທີມອີກຫລາຍຄັ້ງ ຂະນະທີ່ການຫລິ້ນປະສານກັບ ເນມາ ກໍຍັງເຮັດໄດ້ສຸດຍອດ ຄືກັບສະໄຫມທີ່ທັງຄູ່ຍັງຢູ່ກັບບາເຊໂລນາ.

ຈາກຜົນງານດັ່ງກ່າວລາຍງານລະບຸວ່າ ເປແອສເຊ ຕ້ອງການທີ່ຈະຂະຫຍາຍສັນຍາໃຫ້ກັບ ເມສຊີ ອອກໄປອີກ 12 ເດືອນ ຈາກກຳນົດເກ່ົາທີ່ລາວຈະຫມົດສັນຍາໃນເດືອນມິຖຸນາປີ 2023.