ເຈັບເພີ່ມອີກຄົນ! ມາດຣິດ ຂາດ ໂມດຣິດ ໃນເກມທີ່ຈະພົບກັບ ໄລບຊິກ ໃນ ຢູຟ່າ ແຊ້ມປຽນລີກ ຄືນນີ້ແນ່ນອນແລ້ວ
ຣຽວ ມາດຣິດ ລາຊາແຫ່ງ ຢຸຟ່າ ແຊ້ມປ້ຽນລີກ ຖືກພະຍາດບາດເຈັບໂຈມຕີຢ່າງຕໍ່ເນື່ອງ ເມື່ອລ່າສຸດມີການຢືນຢັນວ່າ ລູກາ ໂມດຣິກ ກອງກາງຕົວເກັ່ງໝົດສິດທີ່ຈະລົງສູ້ກັບ ອາບີ ໄລບຊິກ ໃນຄືນວັນອັງຄານນີ້ແນ່ນອນແລ້ວ.
ຣຽວ ມາດຣິດ ຢືນຢັນໄປກ່ອນໜ້ານີ້ແລ້ວວ່າ ຄາຣິມ ເບນເຊມ່າ ກອງໜ້າທີ່ບາດເຈັບພ້ອມທັງ ເຟເດຣິໂກ ວາເວີເດ, ດານີ ເຊບາຢອສ ແລະ ມາເລຍໂນ ດິອາຊ, ຈົນລ່າສຸດໃນວັນທີ 24 ຕຸລາ ທີ່ຜ່ານມາ ລາຊຸດຂາວອອກມາເປີດເຜີຍວ່າ ໂມດຣິດ ກອງກາງທີມຊາດໂຄຣເອເຊຍ ອາຍຸ 37 ປີ ຈະບໍ່ໄດ້ເດີນທາງໄປກັບທີມໃນເກມລີກທ້າຍອາທິດທີ່ເປີດບ້ານເອົາຊະນະ ເຊບີຢາ 3-1 ກອງກາງຕົວນ້ອຍຍິງປະຕູໄດ້ ໃນນາທີທີ່ 5 ຊ່ວຍໃຫ້ທີມຂຶ້ນນຳ ກ່ອນທີ່ຈະຖືກປ່ຽນຕົວອອກໃນນາທີ 77 ໃຫ້ກັບ ມາໂກ ອາເຊັນຊິໂອ ລົງມາຫລິ້ນແທນຍ້ອນອາການບາດເຈັບເລັກນ້ອຍ
“ລູກາ ໂມດຣິດ ຈະບໍ່ລົງຫລິ້ນເກມ ແຊ້ມປ້ຽນລີກທີ່ ອາບີ ອາເຣນ່າ ໃນມື້ອື່ນ ລາວມີຊື່ຢູ່ໃນທີມຂອງ ຄາໂລອັນເຊລັອດຕິ ແຕ່ໄດ້ຖອນຕົວໃນນາທີສຸດທ້າຍ ແລະ ຈະບໍ່ໄດ້ເດີນທາງໄປກັບທີມ,” ແຊ້ມລີກເມືອງກະປິງເປີດເຜີຍໃນວັນທີ 24 ຕຸລາ
