ແອສຕັນ ວິນລາ ແຕ່ງຕັ້ງ ອູໄນ ເອເມຣີ່ ຄຸມທີມ ໂຣມາໂນ່ ເຜີຍຮັບຄ່າຈ້າງປະມານ 7 ລ້ານຢູໂຣ ໂດຍ ວິນລາ ຈ່າຍຄ່າຊີກສັນຍາຢູ່ທີ່ 6 ລ້ານຢູໂຣ

ແອສຕັນ ວິນລາ ສະໂມສອນແຫ່ງ ພຣີເມຍລີກອັງກິດ ປະກາດແຕ່ງຕັ້ງ ອູໄນ ເອເມຣີ່ ຜູ້ຈັດການທີມຊາວສະເປນ ເປັນຜູ້ຈັດການຄົນໃໝ່ຢ່າງເປັນທາງການ ແທນ ສະຕີເວນ ເຈີຣາດ ທີ່ຖືກປົດອອກເມື່ອອາທິດທີ່ຜ່ານມາ.

ວິນລາ ຕັດສິນໃຈປົດ ສະຕີເວນ ເຈີຣາດ ຫລັງຈາກພ່າຍແພ້ຕໍ່ ຟູແລມ 3-0 ແລະ ມອບໜ້າທີ່ໃຫ້ ອາຣອນ ແດຣັງ ເປັນຜູ້ຈັດການຊົ່ວຄາວໃນນັດຖະຫລົ່ມ ເບຣນຟອດ 4-0, ຈົນມາມີຂ່າວກັບ ເອເມຣີ່ ອີງຕາມ Marca ສື່ໃນສະເປນເປີດເຜີຍໃນວັນທີ 24 ຕຸລາ

ຈົນໃນທີ່ສຸດ ວິນລາ ໄດ້ຢືນຢັນການແຕ່ງຕັ້ງ ອູໄນ ເອເມຣີ່ ເປັນຜູ້ຈັດການທີມຄົນໃໝ່. ເປັນທີ່ແນ່ນອນວ່າເຂົາເຄີຍຄຸມທີມ ອາເຊນອລ ໃນພຣີເມຍລີກ ມາກ່ອນແຕ່ຖືກປົດອອກໃນປີ 2019 ຫລັງຈາກຮັບຄຸມສະໂມສອນແຫ່ງກຸງ ລອນດອນ ພຽງແຕ່ 18 ເດືອນ ຫລັງຈາກ ອາແຊນ ເວນເກີ, “ແອສຕັນ ວິນລາ ມີຄວາມຍິນດີທີ່ຈະປະກາດແຕ່ງຕັ້ງ ອູໄນ ເອເມຣີ່ ເປັນຄູຝຶກສອນຄົນໃໝ່ຂອງພວກເຂົາ. ວິນລາ ກ່າວໃນຖະແຫລງການວ່າ “ລາວໄດ້ເຮັດວຽກຢູ່ໃນ ພຣີເມຍລີກ ກັບ ອາເຊນອລ ເຊັ່ນກັນ ແລະນໍາພາ ປືນໃຫຍ່ເຂົ້າໄປສູ່ຮອບຊີງຊະນະເລີດຂອງ ຢຸໂຣປາລີກ “.

“ລາວປະສົບຜົນສຳເລັດກັບ ເຊບີຢາ ແລະ ປາຣີ ແຊັງ-ແຊັກແມັງ ເຊັ່ນດຽວກັນກັບ ເຊບີຢາ ເຂົາຄວ້າແຊ້ມ ຢູໂຣປາ ລີກ 3 ປີຕິດຕໍ່ກັນ ລະຫວ່າງປີ 2013 ຫາ 2016, ກ່ອນທີ່ຈະໄດ້ແຊ້ມລີກ 1 ທີ່ຝຣັ່ງ ແລະ ລວມທັງແຊ້ມເຟຣນຄັບ 2 ຄັ້ງ ແລະ ລີກ ຄັບ 2 ສະໄໝ.”

“ອູໄນ ຈະເລີ່ມເຮັດວຽກຕັ້ງແຕ່ວັນທີ 1 ພະຈິກຫລັງຈາກໄດ້ຮັບໃບອະນຸຍາດເຮັດວຽກເປັນທີ່ຮຽບຮ້ອຍ”