ຟານກັລ ປະກາດລາຍຊື່ 39 ຂຸນຜົນ ຮອນແລນ ຊຸດລຸຍບານໂລກ 2022 ດາວດັງມີຊື່ຕິດໝົດ ສ່ວນ ວານ ເດິ ເບກ ບໍ່ມີຊື່ຕິດໝົດສິດໄປບານໂລກ
ດອນນີ່ ວານ ເດິ ເບກ ກອງກາງຂອງ ແມນເຊັສເຕີ ຢູໄນເຕັດ ຫລຸດອອກຈາກທີມຂອງ ຮອນແລນ ຊຸດແຂ່ງຂັນບານໂລກ 2022 ຕາມຄາດ ພາຍຫລັງການປະກາດລາຍຊື່ຂອງ ຫລຸຍ ຟານກັລ ເມື່ອວັນຈັນທີ 24 ຕຸລານີ້.
ຫລຸຍ ຟານກັລ ນາຍໃຫຍ່ທີມດັງກັງຫັນລົມ ເຜີຍລາຍຊື່ນັກເຕະຊຸດບານໂລກ ຮອບທຳອິດ 39 ຄົນອອກມາແລ້ວ ແລະ ບໍ່ແປກທີ່ເຂົາບໍ່ໄດ້ໃສ່ຊື່ດາວຮຸ່ງໄວ 25 ປີ ຂອງ ຜີສາດແດງ ໃນລາຍຊື່ ເນື່ອງຈາກ ວານ ເດີ ເບກ ຢັງ ຍັງຮັກສາຕົວຈາກການບາດເຈັບເຊິ່ງເຮັດໃຫ້ເຂົາຫ່າງຈາກສະໜາມເປັນເວລາເກືອບ 6 ອາທິດແລ້ວ ແລະ ໄດ້ລົງຫລິ້ນໃນລະດູການນີ້ກັບສະໂມສອນພຽງແຕ່ 19 ນາທີເທົ່ານັ້ນ
ກ່ອນໜ້ານີ້ ວານ ເດິ ເບກ ຍັງບໍ່ມີຊື່ຕິດທີມໃນຢູໂຣ 2020 ເຊັ່ນກັນ ໂດຍນັບຕັ້ງແຕ່ຍ້າຍຈາກ ອາແຈັກ ມາຫລິ້ນໃຫ້ກັບ ແມນເຊັສເຕີ ຢູໄນເຕັດ, ອາຊີບນັກເຕະຂອງລາວກໍ່ຕົກຕ່ຳລົງໃນຊ່ວງຍຸກຂອງ ໂອເລ່ ກຸນນາໂຊຊາ, ຣາຟ ຣັງນິກ ຈົນມາເຖິງ ເອຣິກ ເທນຮາກ ເຈົ້ານາຍເກົ່າຂອງທີມດັງໃນລີກຮອນແລນ
ນອກຈາກ ວານ ເດິ ເບກ ເຊິ່ງລົງຫລິ້ນໃຫ້ທີມຄັ້ງສຸດທ້າຍເມື່ອ 19 ເດືອນກ່ອນ ຫລື ເດືອນມີນາ 2021. ດາດັງຄົນອື່ນໆລ້ວນແຕ່ມີຊື່ໃນຮອບທໍາອິດ ເຊັ່ນ ເຈສເປີ ຊິລີເຊ່ນ, ນາທານ ອາເກ, ດາລີ ບຣິນ, ໂຄດີ້ ຄັກໂປ, ແດນເຊລ ດຸມຟີສ, ເກເລມີ່ ຟຣິມປົງ, ເຢີຣຽນ ທິມເບີ, ມັສທາຍ ເດິ ລິກ, ໄຣອັນ ກາເຟນແບກ, ສະຕີເວ່ນ ເບີກວາຍ, ເວີຈິວ ຟານໄດຈ, ສະເວນ ບອສມັນ ແລະ ເມມຟິດ ເດປາຍ.
