ເຊລຊີ ຮື້ແຜນດຶງ ໂຣນັລໂດ ຈາກແມນຢູ ຕະຫລາດນັກເຕະມັງກອນນີ້

ສະໂມສອນ ເຊລຊີ ຕົກເປັນຂ່າວອາດພິຈາລະນາເດີນໜ້າຄວ້າ ຄຣິສຕຽນໂນ ໂຣນັລໂດ ຈາກ ແມນເຊສເຕີ ຢູໄນເຕັດ ໃນຕະຫລາດຊື້ຂາຍນັກເຕະເດືອນມັງກອນນີ້ ຕາມການລາຍງານຈາກ ເດລີເມລ ສື່ໃນອັງກິດ.

ລາຍງານລະບຸວ່າ ທັອດ ໂບລີ ເຈົ້າຂອງທີມ ເຊລຊີ ອາດໃຊ້ປະໂຫຍດຈາກຄວາມສຳພັນອັນດີລະຫວ່າງລາວກັບ ຈອດ ເມນເດສ ຕົວແທນຂອງດາວຍິງທີມຊາດໂປຣຕຸເກສ ດຶງດູດໃຫ້ ໂຣນັລໂດ ເຊັນສັນຍາກັບສະໂມສອນ ຫລັງຈາກທີ່ພວກເຂົາເຄີຍ ສະແດງຄວາມສົນໃຈໃນຕົວກອງໜ້າອາຍຸ 37 ປີມາແລ້ວເມື່ອລະດູການກ່ອນ ແຕ່ຖືກ ໂທມັສ ທູເຄິລ ອະດີດຜູ້ຈັດການທີມເຊລຊີ ໃນເວລານັ້ນຂວາງທາງເອົາໄວ້.

ໂດຍສະຖານະການຫລ້າສຸດ ໂຣນັລໂດ ຫາກໍແຕກຫັກກັບ ເທນ ຮາກ ເມື່ອປະຕິເສດລົງສະໜາມໃນຖານະຕົວສຳຮອງເກມທີ່ ແມນຢູ ເປີດສະໜາມເອົາຊະນະ ທັອດແນມ ຮັອດສະເປີ 2-0 ເມືອຄືນວັນພຸດທີ່ຜ່ານມາຈົນເຮັດໃຫ້ຖືກຕັດຊື່ອອກ ຈາກ ການມີສ່ວນຮ່ວມກັບທີມຊຸດໃຫຍ່ ແລະ ບໍ່ມີສ່ວນຮ່ວມລົງຫລິ້ນເກມພົບກັບເຊລຊີ.

ຜົນຈາກການທີ່ ໂອນ ແທຣັບຟອດ ເຮັດໃຫ້ ເທນ ຮາກ ໄລ່ ໂຣນັລໂດ ລົງໄປຮ່ວມຊ້ອມກັບທີມຊຸດເຍົາວະຊົນ ແລະ ເປັນທີ່ຫນ້າ ຈັບຕາເບິ່ງວ່າ ເທນ ຮາກ ຈະໃຊ້ງານດາວເຕະທີມຊາດໂປຣຕຸເກສ ໃນເກມ ຢູຟາ ຢູໂຣປາລີກ ນັດກາງອາທິດນີ້ກັບ ເອຟຊີ ເຊີຣິບ ຕິຣາສໂປລ ຫລືບໍ່.

ສຳລັບ ສັນຍາສະບັບປັດຈຸບັນຂອງ ໂຣນັລໂດ ກັບ ແມນຢູ ຈະສິ້ນສຸດລົງໃນລະດູການ 2023 ນີ້ ໂດຍແມນຢູ ມີຕົວເລືອກຂະ ຫຍາຍສັນຍາກັບລາວໄປໄດ້ອີກ 1 ປີ.