ຄະນະກຳມະການປະຈຳກົມການເມືອງສູນກາງພັກກອມມູນິດຈີນ ຊຸດໃໝ່ ສະໄໝທີ XX ຈໍານວນ 7 ສະຫາຍ
October 24, 2022 - 4:20 PM
- ທ່ານ ສີ ຈິ້ນຜິງ ໄດ້ຮັບເລືອກຕັ້ງໃຫ້ເປັນເລຂາທິການພັກກອມມູນິດ ສະໄໝທີ 3 ແລະ ກຽມສ້າງປະຫວັດສາດໜ້າໃໝ່ໃນການເມືອງຈີນ ກັບການເປັນຜູ້ນຳທີ່ດຳລົງຕຳແໜ່ງດົນທີ່ສຸດ ຕໍ່ຈາກ ທ່ານ ເໝົາເຈີຕຸ໋ງ , ສຳລັບນະໂຍບາຍ ແລະ ຜົນງານຂອງທ່ານ ແມ່ນ: ນະໂຍບາຍສ້າງຄວາມຈະເລີນເຕີບໂຕທາງດ້ານເສດຖະກິດ ທີ່ເອີ້ນວ່າ: ສິໂຄໂນມິກ ໂດຍເລີ່ມສ້າງຂຶ້ນເພື່ອກະຕຸ້ນເສດຖະດິດຄືໂຄງການເສັ້ນທາງສາຍໄໝ ໃໝ່ ຫລື Belt and Road, ຕໍ່ມາແມ່ນການນຳພາປະເທດກ້າວຂຶ້ນເປັນຊາດທີ່ພັດທະນາໃນທຸກດ້ານ
- ທ່ານ ລິຊຽງ: ຖືເປັນພັນທະມິດໃກ້ຊິດຂອງທ່ານ ສີ ຈິ້ນຜິງ ປັດຈຸບັນດຳລົງຕຳແໜ່ງເລຂາທິການ ພັກກອມມູນິດປະຈຳນະຄອນຊຽງໄຮ້ ເຊິ່ງທີ່ຜ່ານມາ ຜະເຊີນກັບແຮງກົດດັນຢ່າງໜັກຈາກາານໃຊ້ນະໂຍບາຍລັອກດາວສູນກາງທາງການເງິນຂອງຈີນ ເປັນເວລາ 2 ເດືອນ ຈຶ່ງເຮັດໃຫ້ເກີດຄວາມສັບສົນວຸ່ນວາຍ
- ທ່ານ ຈ້າວ ເລີຈີ : ປັດຈຸບັນເປັນປະທານຄະນະກຳມະການກວດສອບວິໄນພັກ ເຊິ່ງເປັນກົນໄກປາບການສໍ້ລາດບັງຫລວງ ໂດຍຜ່ານມາໄດ້ຮັບນະໂຍບາຍຂອງ ທ່ານ ສີ ຈິ້ນຜິງ ໃນການກວາດລ້າງເຈົ້າໜ້າທີ່ລັດ ທີ່ທຸຈະລິດ.
- ທ່ານ ຫວັງ ຫູໜິງ : ເປັນນັກທິດສະດີຄົນສຳຄັນຂອງພັກທີ່ຂຽນນະໂຍບາຍ ໃຫ້ທ່ານ ສີ ຈິ້ນຜິງ, ຫູຈິ່ນເທົາ, ຈຽງເຈີ່ໝິນ ເຊິ່ງເປັນຜູ້ນຳຈີນ ຮຸ່ນທີ 5, 4 ແລະ 3.
- ທ່ານ ຊາຍຊິ: ເປັນເລຂາທິການພັກປະຈຳປັກກິ່ງ ແລະ ເປັນໜຶ່ງໃນຄົນທີ່ ທ່ານ ສີ ຈິ້ນຜິງ ໄວ້ເນື້ອເຊື່ອໃຈຫລາຍທີ່ສຸດ ໂດຍເຄີຍເຮັດວຽກກັບ ທ່ານ ສີ ຈິ້ນຜິງ ໃນຖານະຮອງເລຂາທິການພັກປະຈຳມົນທົນເຈີ້ຈຽງ ໃນຊ່ວງ ທີ່ທ່ານ ເປັນເລຂາພັກປະຈຳມົນທົນດັ່ງກ່າວ
- ທ່ານ ຕິງ ຊູນຊຽງ: ເປັນອີກໜຶ່ງພັນທະມິດຄົນສຳຄັນ ເຊິ່ງເປັນໜຶ່ງໃນກຸ່ມນັກວິທະຍາສາດທີ່ໄດ້ຮັບການສະໜັບສະໜູນ ແລະ ມີບົດບາດໃນພັກສູງຂຶ້ນຢ່າງຕໍ່ເນື່ອງ
- ສະຫາຍ ລິຊີ: ປັດຈຸບັນດຳລົງຕຳແໜ່ງເລຂາທິການພັກປະຈຳມົນທົນກວາງຕຸ້ງ ໂດຍໄດ້ການວາງຕົວໃຫ້ເປັນປະທານຄະນະກຳມະການກາງກວດສອບວິໄນພັກ ທີ່ຈະຄວບຄຸມກົນໄກການປາບປາມການສໍ້ລາດບັງຫລວງຂອງພັກຄົນຕໍ່ໄປ.
