ສາຍການບິນ Korean Air ມື່ນອອກນອກເສັ້ນທາງ ໃນປະເທດຟີລິບປິນ ເຮັດໃຫ້ເຮືອບິນເສຍຫາຍໜັກ
October 24, 2022 - 2:37 PM
ເວລາປະມານ 23:07 ໂມງ ໃນວັນທີ 23 ຕຸລາ 2022 ເກີດເຫດ ສາຍການບິນ Korean Air ແອບັດ A330-300 ທະບຽນ HL7525 ຖ້ຽວບິນ KE631 ຈາກສະໜາມບິນອິນຊອນ – ແມນຕັນ ເກາະເຊບູ ມື່ນອອກນອກເສັ້ນທາງ ເຮັດໃຫ້ເຮືອບິນເສຍຫາຍໜັກ
ຂໍ້ມູນເບື້ອງຕົ້ນໃຫ້ຮູ້ວ່າ: ເຮືອບິນລຳດັ່ງກ່າວເຫດພະຍາຍາມລົງຈອດເຖິງ 3 ຮອບ ເນື່ອງຈາກສະພາບອາກາດແປປວນ ຝົນຕົກຢ່າງໜັກ ຈົນເຮັດໃຫ້ມື່ນອອກນອກເສັ້ນທາງ.
ຍັງບໍ່ມີລາຍງານຜູ້ບາດເຈັບ, ຫຼັງຈາກລົງຈອດ ເຈົ້າໜ້າທີ່ໄດ້ຊ່ວຍຜູ້ໂດຍສານ ແລະ ລູກເຮືອລວມ 173 ຄົນ ໄປອາຄານໂດຍສານ ແລະ ມີທີມແພດເຂົ້າມາເບິ່ງແຍງ ເພື່ອປະເມີນອາການເບື້ອງຕົ້ນຂອງແຕ່ລະຄົນ.
ຢ່າງໃດກໍຕາມ ທາງສະໜາມບິນຈຳເປັນຕ້ອງປິດຊົ່ວຄາວ ເພື່ອໃຫ້ສາມາດເຄື່ີອນຍ້າຍເຮືອບິນລຳດັ່ງກ່າວໄດ້ຢ່າງປອດໄພ ພ້ອມສັ່ງຍົກເລີກຖ້ຽວບິນທັງພາຍໃນ ແລະ ລະຫວ່າງປະເທດ ຈົນກວ່າຈະມີການປະກາດເພີ່ມເຕີມ
