ຊັດເຈນ! ເທນຮາກ ປະກາດຈຸດຢືນ ບໍ່ຕ້ອງການຂາຍ ໂຣນັລໂດ້

ຜູ້ຈັດການຊາວໂຮນລັງຂອງ ແມນເຊສເຕີ ຢູໄນເຕັດ ຢືນຢັນວ່າເຂົາຍັງມີແຜນໃຊ້ງານກອງໜ້າຈອມບັນຫາຊາວປອກຕຸຍການ ແລະ ບໍ່ມີຄວາມຄິດທີ່ຈະຂາຍອອກໃນເດືອນມັງກອນ.

ເອຣິກ ເທນຮາກ ຫົວໜ້າຄູຝຶກຂອງ ແມນເຊັສເຕີ ຢູໄນເຕັດ ຢືນຢັນວ່າເຂົາຍັງມີແຜນທີ່ຈະໃຊ້ ຄຣິສເຕຍໂນ ໂຣນັລໂດ້ ຫລັງຈາກໝົດບົດລົງໂທດຖືກຕັດຊື່ອອກຈາກທີມ ແລະ ບໍ່ມີຄວາມຄິດທີ່ຈະຂາຍໃນເດືອນມັງກອນນີ້, ຫົວຫອກຊາວປອກຕຸຍການໄດ້ຖືກວິພາກວິຈານຢ່າງໜັກເມື່ອບໍ່ດົນມານີ້ ຈາກພຶດຕິກຳໃນນັດທີ່ຊະນະ ທັອດແນມ ຮັອດສະເປີ 2-0 ທີ່ເຂົາປະຕິເສດການລົງສະໜາມໃນຖານະຕົວສຳຮອງ ແລະ ອອກຈາກສະໜາມກ່ອນທີ່ຈະໝົດເວລາ, ເຖິງແມ່ນວ່າ ໂຣນັລໂດ້ ຈະອອກມາຂໍໂທດພາຍຫລັງ ແຕ່ພຶດຕິກຳດັງກ່າວເຮັດໃຫ້ ຜີສາດແດງອອກຖະແຫລງການເພື່ອຕັດຊື່ນັກເຕະອອກຈາກທີມສຳລັບເກມນອກບ້ານໃນອາທິດນີ້ກັບ ເຊວຊີ. ພ້ອມກັບຂ່າວລືວ່າສະໂມສອນວາງແຜນທີ່ຈະຂາຍເຂົາໃນເດືອນມັງກອນທັນທີ.

ຢ່າງໃດກໍ່ຕາມ, ຄູຝຶກຊາວໂຮນລັງໄດ້ປະຕິເສດເລື່ອງດັ່ງກ່າວແລ້ວ. ໂດຍກ່າວສັ້ນໆໃນ​ຫ້ອງຖະແຫລງ​ຂ່າວວ່າ “ຂ້ອຍຍັງຫວັງພື່ງ ໂຣນັລໂດ້” ພ້ອມຢືນຢັນວ່າ ໂຣນັລໂດ້ ຈະຢູ່ໃນຖິ່ນໂອແທຣັບຟອດຈົນກ່ວາຈະຈົບລະດູການນີ້.