ຕວກກີ ແລະ ຫວຽດນາມ ເລັ່ງເພີ່ມ ຕົວເລກການຄ້າທະວີພາຄີສອງເທົ່າ
ນາຍົກລັດຖະມົນຕີຕວກກີ ກ່າວວ່າ: ຕວກກີຕ້ອງການເພີ່ມມູນຄ່າການຄ້າທະວີພາຄີສອງເທົ່າເປັບ 4.000 ລ້ານໂດລາ ກັບຫວຽດນາມໃນ 3 ປີຕໍ່ໜ້າ, ຂະນະທີ່ຕວກກີພະຍາຍາມຫາທາງສົ່ງເສີມການຄ້າ ແລະ ການຮ່ວມມືດ້ານປ້ອງກັນປະເທດກັບຫວຽດນາມ.
ທ່ານ ບິນາລີ ຍິລດີຣິມ ເຊິ່ງເປັນນາຍົກລັດຖະມົນຕີຕວກກີຄົນທຳອິດທີ່ເດີນທາງຢ້ຽມຢາມຫວຽດນາມ ພ້ອມຄະນະນັກທຸລະກິດຊັ້ນນຳຊຸດໃຫຍ່ຈາກຕວກກີ ກ່າວກັບນັກຂ່າວລະຫວ່າງການຖະແຫລງຂ່າວຮ່ວມໃນວັນທີ 23 ສິງຫານີ້ ກັບທ່ານ ຫງວຽນ ຊວນຟຸກ ນາຍົກລັດຖະມົນຕີຫວຽດນາມ ວ່າ: ທ່ານໝັ້ນໃຈວ່າການຢ້ຽມຢາມຄັ້ງນີ້ຈະເປັນຈຸດປ່ອຍໃໝ່ໃນການພົວພັນທະວີພາຄີ. ຂະນະທີ່ນາຍົກລັດຖະມົນຕີຫວຽດນາມ ກ່າວກັບນັກຂ່າວວ່າ: ຕວກກີ ແລະ ຫວຽດນາມ ໃຫ້ຄຳໝັ້ນວ່າຈະເສີມສ້າງບັນຍາກາດທີ່ເອື້ອອຳນວຍຕໍ່ການເຮັດທຸລະກິດທັງສອງຝ່າຍ ເພື່ອສົ່ງເສີມການຄ້າ ແລະ ການລົງທຶນຮ່ວມກັນ.
