ປະທານສະພາແຫ່ງຊາດລາວ ຈະເດີນທາງຢ້ຽມຢາມ ປະທານສະພາຜູ້ແທນຣາສະດອນ ແຫ່ງຣາຊະອານາຈັກໄທ ວັນທີ 27-31 ຕຸລາ 2022

ຄະນະເລຂາທິການສະພາແຫ່ງຊາດ ແຈ້ງການວ່າ: ໂດຍການຕອບສະໜອງຕາມການເຊື້ອເຊີນຂອງ ພະນະທ່ານ ຊວນ ຫລີກໄພ, ປະທານສະພາຜູ້ແທນຣາຊະດອນ ແຫ່ງຣາສະອານາຈັກໄທ ແລະ ພະນະທ່ານ ປອ. ໄຊສົມພອນ ພົມວິຫານ, ປະທານສະພາແຫ່ງຊາດ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງສະພາແຫ່ງຊາດ ຈະເດີນທາງໄປຢ້ຽມຢາມ ຣາຊະອານາຈັກໄທ ຢ່າງເປັນທາງການ ແຕ່ວັນທີ 27-31 ຕຸລາ 2022 ເພື່ອເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືຖານບ້ານໃກ້ເຮືອນຄຽງທີ່ມີແຕ່ດົນນານບົນພື້ນຖານ ການເປັນຄູ່ຮ່ວມຍຸດທະສາດ ລະຫວ່າງສອງປະເທດ ລາວ-ໄທ ກໍຄື ລະຫວ່າງ ສອງອົງການນິຕິບັນຍັດໃຫ້ນັບມື້ນັບຈະເລີນງອກງາມຂຶ້ນ.