ຜູ້ໃຫ້ທຶນລົງຕິດຕາມການກໍ່ສ້າງໂຄງການສ້າງຄູປ້ອງກັນນ້ຳຖ້ວມໃນເຂດເມືອງຫາດຊາຍຟອງ
ວັນທີ 21 ສິງຫານີ້, ທ່ານ Kshatrapati Shivaji ຜູ້ອຳ ນວຍການທະນາຄານອາຊີ (ADB) ທີ່ມີສຳນັກງານ ໃຫຍ່ ຕັ້ງຢູ່ມະນີລາປະເທດຟິລິບປິນໄດ້ລົງຕິດຕາມຄວາມຄືບໜ້າໂຄງ ການກໍ່ສ້າງຄູປ້ອງກັນນ້ຳຖ້ວມ ທີ່ຂຶ້ນກັບໂຄງການຄຸ້ມຄອງ ແລະ ຫລຸດຜ່ອນຄວາມສ່ຽງຈາກ ໄພນ້ຳຖ້ວມ ແລະ ແຫ້ງແລ້ງ ທີ່ ADB ໃຫ້ການສະໜັບສະໜູນ ໃນມູນຄ່າ 290 ຕື້ກີບ.
+ ບໍ່ແກ້ວເຕືອນໃຫ້ຜູ້ລົງທຶນປູກກ້ວຍປະຕິບັດລະບຽບກົດໝາຍເຄັ່ງຄັດ
+ ປະຊາຊົນໄດ້ມອບພື້ນທີ່ໃຫ້ໂຄງການກໍ່ສ້າງທາງລົດໄຟລາວ-ຈີນແລ້ວເປັນສ່ວນຫລາຍ
ໃນນັ້ນ, ມີທຶນກູ້ຢືມ 24 ລ້ານໂດລາສະຫະ ລັດ ແລະ ຊ່ວຍເຫລືອລ້າ 12,5 ລ້ານໂດລາສະຫະລັດ ແລະ ລັດ ຖະບານສົມທົບທຶນ 0,59 ລ້ານ ໂດລາສະຫະລັດ, ໄດ້ເລີ່ມຈັດຕັ້ງ ປະຕິບັດມາແຕ່ປີ 2013 ແລະ ຈະ ສຳເລັດລົງໃນປີ 2019.
ທ່ານ ນວນແດງ ຣາຊະວົງ ຮອງຫົວໜ້າກົມຊົນລະປະທານກະຊວງກະສິກຳ ແລະ ປ່າໄມ້ ໃຫ້ຮູ້ວ່າ: ໂຄງການດັ່ງກ່າວແມ່ນ ການຍົກລະດັບເສັ້ນທາງໃນ ເຂດເມືອງຫາດຊາຍຟອງນະ ຄອນຫລວງວຽງຈັນເປັນຄູ ປ້ອງກັນ ນ້ຳຖ້ວມທີ່ມີຄວາມ ຍາວ 32,2 ກິໂລແມັດ, ເຊິ່ງການ ກໍ່ສ້າງແບ່ງອອກເປັນ 2 ໄລຍະ ຄື: ໄລຍະທີ 1 ເລີ່ມຈາກສະຖາ ນີດາວທຽມລາວສະຕາຫາຂົວ ມິດຕະພາບ ລາວ-ໄທ ມີຄວາມ ຍາວ 4,05 ກິໂລແມັດກໍ່ສ້າງ ເປັນຄູດິນ, ສັນຄູກວ້າງ 4 ແມັດ, ສ່ວນໄລຍະ 2 ແຕ່ຂົວມິດຕະ ພາບຫາປາກຫ້ວຍໝາກຮຽວ ມີຄວາມຍາວ 26,2 ກິໂລແມັດ, ສັນຄູເປັນເສັ້ນທາງຄົມມະ ນາຄົມປູຢາງອັດສຟານ, ກວ້າງ 10 ແມັດ.
