ແຈ້ງເຕືອນຝົນຕົກໜັກ ປະຈໍາວັນທີ 15 ຕຸລາ 2022
October 15, 2022 - 1:59 PM
ກົມອຸຕຸນິຍົມ ແລະ ອຸທົກກະສາດ ແຈ້ງເຕືອນພະຍຸໝຸນເຂດຮ້ອນເຊິນກາ (SONCA) ກຳລັງເຄື່ອນທີ່ຜ່ານເມືອງດານັງ ປະເທດຫວຽດນາມ ດ້ວຍຄວາມໄວ 15 ກິໂລແມັດຕໍ່ຊົ່ວໂມງ ຈາກນັ້ນຈະອ່ອນກຳລັງລົງເປັນພາຍຸດີເປຼຊັນເຄື່ອນທີ່ຜ່ານແຂວງສາລະວັນ ແລະ ສະຫວັນນະເຂດ ໃນຕອນບ່າຍຂອງມື້ນີ້, ຊຶ່ງຈະເຮັດໃຫ້ມີຝົນຕົກໜັກພ້ອມມີລົມພັດແຮງຢູ່ບາງທ້ອງຖິ່ນແຂວງພາກກາງ ແລະ ພາກໃຕ້.
ດັ່ງນັ້ນຈຶ່ງແຈ້ງເຕືອນເຖິງປະຊາຊົນບັນດາເຜົ່າ ແລະ ອຳນາດການປົກຄອງທຸກພາກສ່ວນທີ່ອາໄສໃນແຂວງພາກກາງ ແລະ ພາກໃຕ້ ຈົ່ງມີສະຕິລະມັດລະວັງຕໍ່ສະພາບຝົນຕົກໜັກ ແລະ ລົມພັດແຮງທີ່ຈະເຮັດໃຫ້ມີນໍ້າຖ້ວມຊຸ, ນໍ້າຖ້ວມຍື່ງ ເກີດຂຶ້ນໄດ້ ພ້ອມນີ້ໃຫ້ເກັບມ້ຽນວັດຖຸສິ່ງຂອງທີ່ມີຄ່າ ແລະ ສັດລ້ຽງໄປໄວ້ບ່ອນທີ່ສູງ ແລະ ປອດໄພ.
