ເຊົາແທມຕັນຄວ້າ ຮູດ ມາຮ່ວມທີມແລ້ວ ເຊັນສັນຍາເປັນເວລາ 5 ປີ

ສະໂມສອນ ເຊົາແທມຕັນ ປະກາດຄວ້າໂຕ ເວສລີ ຮູດ ກອງຫຼັງທີມຊາດຮອລແລນ ມາຈາກ ລາຊິໂອ ສະໂມສອນ ດັງແຫ່ງລີກ ກັລໂຊເຊເຣຍອາ ອິຕາລີ ເປັນທີ່ຮຽບຮ້ອຍ ໂດຍ ເຊັນສັນຍາຮ່ວມວຽກກັນເປັນ ເລວາ 5 ປີ.
ກອງຫຼັງອາຍຸ 23 ປີ ຖື ເປັນການເສີມທັບຄົນທີ 3 ຂອງ ເຊົາແທມຕັນ ໃນໄລຍະ ລະດູການນນີ້ ຕໍ່ຈາກ ແຍນ ເບດນາເຣກ ກອງຫຼັງທີມຊາດ ໂປແລນ ມາຈາກ ເລດ ພອດ ນັນ ແລະ ມາຣິໂອ ເລີມິນາ ກອງກາງທີມຊາດກາບອງ ຈາກ ຢູເວນຕຸສ.
ຫຼັງການຍ້າຍມາ ຮູດ ກ່າວວ່າ: “ຂ້ອຍມີຄວາມສຸກ ຫຼາຍທີ່ໄດ້ມາຢູ່ບ່ອນນີ້ ຂ້ອຍ ຄິດວ່າ ເຊົາແທມຕັນ ເປັນສະ ໂມສອນໃຫຍ່ ດັ່ງນັ້ນມັນຈຶ່ງ ເປັນຄວາມກ້າວໜ້າທີ່ດີສຳລັບຂ້ອຍໃນການຍ້າຍມາຢູ່ນີ້ ແລະ ໄດ້ຫຼິ້້ນໃນເກມພຣີເມຍລີກ ຂ້ອຍຈະພະຍາຍາມຊ່ວຍທີມ ຢ່າງເຕັມທີ່”.
ທັງນີ້ ຕາມການລາຍ ງານວ່າ ຄ່າໂຕຂອງ ຮູດ ຢູ່ທີ່ ປະມານ 15 ລ້ານປອນ.