ບານເຕະສາຍ ກ ໄດ້ແລ້ວ 8 ທີມສຸດທ້າຍ

ການແຂ່ງຂັນເຕະບານ ສາຍ ກ ຮອບແບ່ງກຸ່ມໄດ້ສຳ ເລັດໄປເປັນທີ່ຮຽບຮ້ອຍແລ້ວ ແລະ ໄດ້ມາແລ້ວ 8 ທີມສຸດ ທ້າຍ ເມື່ອວັນທີ 20 ສິງຫາ ຜ່ານມາ ໄດ້ມີການແຂ່ງຂັນ ນັດສຸດທ້າຍຂອງແຕ່ລະກຸ່ມ ໂດຍທີມທີ່ຜ່ານເຂົ້າຮອບ 8 ທີມສຸດທ້າຍ ມີດັ່ງນີ້:
– ກຸ່ມ A ປະກອບມີ: ເມືອງຈັນທະບູລີ ແຊ໊ມກຸ່ມ ແລະ ສະຫວັນ ຊິຕີ ຮອງແຊ໊ມ ກຸ່ມ.
– ກຸ່ມ B ປະກອບມີ: ເອັສ ຣາ ເອັຟຊີ ແຊ໊ມກຸ່ມ ແລະ ມາສ ເຕີ ເຊເວັ້ນ ຮອບແຊ໊ມກຸ່ມ.
– ກຸ່ມ C ປະກອບມີ: ກອງທັບ ເອັຟຊີ ແຊ໊ມກຸ່ມ ແລະ ນະຄອນຫຼວງ ຮອງແຊ໊ມກຸ່ມ.
– ກຸ່ມ D ປະກອບມີ: ດີເຄ ເອັຟຊີ ແຊ໊ມກຸ່ມ ແລະ ມຊ ເອັຟ ຊີ ຮອງແຊ໊ມກຸ່ມ.
ສຳລັບຮອບ 8 ທີມສຸດ ທ້າຍ ແມ່ນຈະກັບມາແຂ່ງຂັນ ໃນທ້າຍອາທິດນີ້ ແລະ ຈະຈັບ ສະຫຼາກແບ່ງສາຍປະກົບຄູ່ ແ ຂ່ງຂັນໃນວັນທີ 22 ສິງຫານີ້ ໂດຍແບ່ງອອກເປັນ 2 ກຸ່ມ ເຊິ່ງໃນຮອບນີ້ຈະໃຊ້ຮູບແບບການ ແຂ່ງຂັນແບບພົບກັນໝົດ (ໄປ-ກັບ) ແຕ່ລະທີມຈະໄດ້ ແຂ່ງ 6 ນັດ ກຸ່ມລະ 4 ທີມ. ສ່ວນການຄິດໄລ່ຄະແນນ ໃນ ຮອບແບ່ງກຸ່ມແມ່ນເປັນໄປດັ່ງຕໍ່ໄປນີ້: ຊະນະໄດ້ 3 ຄະແນນ, ສະເໝີໄດ້ 1 ຄະແນນ ແລະ ເສຍໄດ້ 0 ຄະແນນ ເພື່ອຄັດ ເອົາທີມທີ່ໄດ້ຄະແນນອັນດັບ 1 ແລະ ອັນດັບ 2 ຂອງແຕ່ລະ ກຸ່ມ ໄປຫຼິ້ນໃນຮອບຮອງຊະ ນະເລີດ ຕໍ່ໄປ.
ຂ່າວຈາກ:laosportnews.com.