ໂອບາເມຢອງ ກຽມຍ້າຍທີມອີກຄັ້ງ ຫລັງບໍ່ຢູ່ໃນແຜນ ພັອດເຕີ

ມີລາຍງານວ່າ ປີແອ ເອເມີຣິກ ໂອບາເມຢອງ ກອງໜ້າຂອງ ເຊລຊີ ທີມດັງໃນ ພຣີເມຍລີກ ກຽມຍ້າຍທີມອີກເທື່ອຫນຶ່ງ ຫລັງຈາກທີ່ບໍ່ຢູ່ໃນແຜນການເຮັດທີມຂອງ ເກຣແຮມ ພັອດເຕີ ຜູ້ຈັດການທີມຄົນໃຫມ່.

ໂອບາເມຢອງ ຍ້າຍຈາກບາເຊໂລນາ ມາຍັງຖິ່ນ ສະແຕມຟອດ ບຣິດ ໃນຍຸກຂອງ ໂທມັສ ທູເຄິລ ໃນມື້ສຸດທ້າຍຂອງຕະຫລາດລະ ດູການທີ່ຜ່ານມາດ້ວຍຄ່າຕົວປະມານ 10,8 ລ້ານປອນ ພ້ອມກັບເຊັນສັນຍາຖາວອນ 2 ປີ ຫລັງຈາກທີ່ລະເບີດຕາຂ່າຍຍິງໄປ 13 ປະຕູຈາກການລົງຫລິ້ນ 23 ເກມເມື່ອລະດູການຜ່ານມາ.

ແນວໃດກໍຕາມຫລັງຈາກທີ່ ທູເຄິລ ຖືກປົດອອກຈາກຕຳແໜ່ງ ແລະ ເກຣແຮມ ພັອດເຕີ ໄດ້ຮັບການແຕ່ງຕັ້ງເຂົ້າມາເຮັດ ໜ້າທີ່ແທນ ກໍມີກະແສຂ່າວອອກມາວ່າ ໂອບາເມຢອງ ອາດຈະຕ້ອງຍ້າຍທີມອີກເທື່ອຫນຶ່ງ ເນື່ອງຈາກບໍ່ຢູ່ໃນແຜນງານຂອງ ອະດີດຜູ້ຈັດການທີມໄບຣຕັນ.

ຫລ້າສຸດລາຍງານຈາກຝຣັ່ງລະບຸວ່າ : ນັກເຕະໄດ້ມີການເຈລະຈາກັບສະໂມສອນ ປາຣີສ ແຊັງ ແຊັກແມັງ ແລ້ວ ແລະ ທຸກ ຢ່າງເປັນໄປໃນທາງບວກ ໂດຍນັກເຕະເຊລຊີ ນັ້ນເຄີຍຮ່ວມງານກັບ ຄຣິສຕອຟ ກັລຕີເຢ ຜູ້ຈັດການທີມຂອງເປແອສເຊ ມາແລ້ວເມື່ອຄັ້ງທີ່ຢູ່ ແຊັງ ເອຕຽນ ໃນປີ 2013.

ລາຍງານລະບຸວ່າ ສາເຫດທີ່ ເປແອສເຊ ຕ້ອງການຊື້ກອງໜ້າເພີ່ມຕື່ມ ເພາະວ່າຢາກໃຫ້ມາຊ່ວຍ ຄີລຽນ ເອັມບັບເປ ເຊິ່ງກອງໜ້າທີ່ມີຢູ່ເຊ່ັນ ເນມາ ແລະ ເມສຊີ ນັ້ຍັງບໍ່ພຽງພໍທີ່ຈະໄລ່ລ່າແຊ໊ມ ຢູຟາ ແຊ໊ມປຽນລີກ ເຊິ່ງເປັນເປົ້າຫມາຍ ສູງສຸດຂອງພວກເຂົາ.

ມີການຄາດເດົາການຍ້າຍທີມຂອງ ໂອບາເມຢອງ ໄປຍັງຖິ່ນ ປາກ ເດິ ແປຣງ ຈະເກີດຂຶ້ນຢ່າງໄວທີ່ສຸດໃນຕະຫລາດ ຊື້ຂາຍລະດູການໜ້າ.